E fundit!

12:38 Aktualitet

Sloganet kundër në protestë/ Berisha: Janë vegël e opozitës së opozitës

Kryetari i Partisë Demokratike, Sali Berisha, ka deklaruar...

Bashkëjetesë në burg me vendim gjykate!/ Anila Hoxha publikon historinë e veçantë

18 Gusht 2020, 12:23, Aktualitet CNA

Gazetarja Anila Hoxha ka publikuar një rast ku gjykata njeh bashkëjetesën në distancë mes një të dënuari me burgim të përjetshëm dhe një 46-vjecareje me të cilën pretendohet se është dashuruar përpara se të dërgohej në qeli.

Në një postim në rrjetet sociale, ajo publikon me detaje të gjithë kalvarin e përplasjeve, mes asaj çfarë pretendon i dënuari, vendimit të Gjykatës si dhe një tjetër vendimi të mëpashëm të Drejtorit të Burgjeve Agim Ismailaj.

?Prokuroria e Elbasanit i përcolli Drejtorisë së Përgjithshme të Burgjeve një vendim gjykate së bashku me urdhërin, ku njeh bashkëjetesën në distancë mes një të dënuari të përjetshëm dhe një 46-vjecareje me të cilën pretendohet se është dashuruar përpara se të dërgohej në qeli.

Pra këtu e para vitit 1998. Çifti Taulant Balliu dhe D.R nuk ka lidhur asnjëherë kurorë dhe as është celebruar, por me një vendim gjykate ka sfiduar konceptet e bashkëjetesës që sipas Kodit të Familjes neni 163 ?është një bashkim faktik midis një burri dhe një gruaje që jetojnë në cift , e karakterizuar nga jeta e përbashkët që paraqet stabilitet dhe vazhdueshmëri?. Ndonese njeri nga partneret rezulton i denuar i perjetshem, gjykata nga ana e saj fut një koncept të ri për bashkëjetesën , ndryshe nga ajo që kemi dëgjuar e folur deri më tani dhe me kete rast urdheron te bëjë përjashtim nga rregulli dhe te lejojë takimet speciale. Vendimi u shpall nga gjykata e Elbasanit dhe autoriteti qe duhet te bindet eshte burgu i sigurise se larte Peqin, që prej nje viti po i bindet nje shkrese tjeter duke ndaluar takimet mes jo te martuarve.

Në rastin Balliu, si element provues për bashkëjetesën gjykata sjell jetesën e gruas jo me te denuarin qe eshte ne qeli , por me të tretë. E ema e të dënuarit të përjetshëm Taulant Balliu eshte prova qe bashkejetuesja e te birit te burgosur jeton nen te njejten cati me te. Dokumentat tregojnë se përgjatë një viti , burgjet kundërshtuan takimet speciale mes të dënuarit të përjetshëm dhe vajzës, në vazhdën e një qasjeje të urdhëruar nga drejtori i përgjithshëm Agim Islmaili.

Zyrtari kërkoi kontrolle në listat e takimeve nga ku rezultoi se përmes skemave të prostitucionit , të dënuar të privilegjuar, kryenin takime speciale me ?kushërira? dhe ?psikologe? të jashtme.

Në këtë kuptim , Ismailaj u përpoq të vendoste pak rregull , dhe statistikisht pranohet që më pas në burgje plasën dasmat dhe celebrimet. Me përjashtim të Balliut që sic ndodhi më vonë , kërkoi ti njihet gjyqësisht e drejta për jetë familjare përmes bashkëjetesës në burg dhe jo përmes lidhjes së kurorës. Ne muajin korrik , ai u njoh si bashkejetues edhe pse ne burg permes vendimit numer 1106. I dënuarI I përjetshëm , mbahet në burg të sigurisë së lartë që prej 1998 dhe pretendon se bashkëjetuesen e njohu përpara se të arrestohej. Por meqë burgjet iu nënshtruan rregullave të reja e për pasojë edhe ai nuk mund ta takonte D.R, Balliu i kërkoi gjykatës që të urdhërojë burgun e Peqinit ta lejojë për takimet e zgjatura .

Si prova gjyqtares i vendoset përpara një deklaratë noteraiale e para pesë viteve , ku Balliu deklaron dashurinë e tij për D.R dhe dëshirën për të bashkejetuar me të. Katër vite më pas , kur burgjet I bllokuan takimet pa celebrim, në 4 korrik 2019, D.R shfaqet para noterit public dhe me vullnet të lirë konfirmon bashkëjetesën me Taulant Balliun që ndërkohë ishte në burgun e sigurisë së lartë në Peqin. Si provë shtesë gruaja bashkangjit bashkëjetesën me prindërit e të dënuarit të përjetshëm. Prokuroria ngre dorën dhe thotë jam dakord . Burgjet sërisht kundërshtojnë pasi kanë dyshime nese mund te quhet apo jo takimi bashkjetese. Taulant Balliu ka vuajtur në total 23 vite burgim. Gjykata thotë :Diana ka patur lidhje dashurie me Taulantin përpara se ai të izolohej si anëtar i bandës së Kateshit dhe të kthehej ne qeli në një besimtar.

Gjykata shqiptare në këtë mënyrë njeh të drejtën e bashkëjetesës me argumentin se edhe beqarëve të dënuar nuk mund tu mohohet e drejta për të gjetur familje. Shprehimisht gjyqtarja thekson ?ashtu sic ka të drejtën për jetë familjare një I dënuar I martuar ashtu ka të drejtë edhe një I dënuar beqar. Ky I fundit (beqari), ka të drejtë të gëzojë të drejta që lidhen me statusin e beqarit ku bën pjesë edhe bashkëjetesa?.

Kështu pra edhe në këtë rast gjykata foli në emër të REPUBLIKËS.?-shkruan Anila Hoxha.