E fundit!

11:40 Aktualitet

Fluksi i sezonit turistik/ Hita njofton masat shtesë në Aeroportin e Rinasit

Drejtori i Përgjithshëm i Policisë së Shtetit, Skënder Hit...

Përzgjedhja e kandidatëve për deputetë/ Nga Genc Ruli te Mark Marku, zbardhen emrat e Komisionit të Vlerësimit

3 Gusht 2020, 09:01, Politikë CNA

Partia Demokratike ka zbardhur emrat e anëtarëve të Komisionit të Vlerësimit, që pretendohet se do të bëjnë përzgjedhjen e kandidatëve për deputetët, të PD-së.

Sipas vendimit të Kryesisë së PD, anëtarë të kësaj strukture të rëndësishme dhe të re të Partisë Demokratike, do të jenë:

1. Bujar Nishani, Kryetar i Këshillit Kombëtar të PD, ish-President i Republikës, ish-ministër dhe ish-deputet.
2. Besnik Mustafaj, themelues i PD, ish-ministër, ish-deputet, diplomat, përkthyes dhe shkrimtar i njohur.
3. Genc Ruli, themelues i PD, ish-ministër, ish-deputet, ekonomist dhe pedagog i njohur.
4. Enriketa Papa, pedagoge në Universitetin e Tiranës, historiane, shkrimtare dhe studiuese. Master në Histori dhe PhD në Histori Bashkëkohore dhe Histori të Evropës Jug-Lindore në Universitetin e Graz në Austri. Aktualisht është edhe anëtare e Bordit të Institutit për Studime të Krimeve dhe Pasojave të Komunizmit.
5. Mark Marku, analist, pedagog në Universitetin e Tiranës, në Departamentin e Gazetarisë. Master në Institutin e Marrëdhënieve Publike dhe të Komunikimit (IRCOM), Anger, Francë dhe doktoraturën në shkencat e informacionit dhe komunikimit në Universitetin Paris 2, Francë. Ish-deputet i PD.

Komisioni do të ndihmohet nga Sekretariati i përbërë nga Sahit Dollapi, Sekretar Organizativ dhe Ervin Minarolli, Sekretar i Burimeve Njerëzore.

Në fakt kjo është ajo që pretendon Basha, pasi sikurse CNA.al e ka raportuar më parë, e ashtuquajtura ?hapje e partisë? është vetëm një farsë dhe tallje me kandidatët.

Disa ditë më parë, kreu i Republikës së re, Lulzim Basha ka nxjerrë një udhëzim të cilin në fakt po ta lexosh udhëzimin thekson se listat 20% do të vendosen nga kryetari dhe kryesia. Dhe jo më pak se 80% do e ketë anëtarësia.

Pra, e sigurtë në lista janë vetëm 20%. Vendi i parë dhe i dytë nëpër qarqe. Duke pasur parasysh që numrat total në parlament janë 140, duke hequr shifrat e Tiranës, 20% e tyre janë të sigurtë në lista.

Listën fituese primare e plotëson Basha, dhe këtë nuk e ka çuar në bazë, por ia ka lënë atribut vetes së tij loja vazhdon më tej./ CNA.al

Fakti-Basha tallet me kandidatët për deputetë/ Listat do i plotësojë vetë