web counter
LEXO PA REKLAMA!

SHKARKO APP

App Store
Google Play

Durrës/ U shoqërua nga policia për dhunë në familje, var veten 52-vjeçari

2 Gusht 2020, 08:23, Kronika CNA

Një 52-vjeçar është vetëvarur mbrëmjen e djeshme në drejtorinë vendore të policisë së Durrësit.  Viktima është 52-vjeçari me inicialet Tonin Tuçi. Sipas policisë mbrëmjen e djeshme ai ishte shoqëruar nga policia, pasi familja e kishte denoncuar për dhunë,  ndërsa Shërbimi për Çështjet e Brendshme dhe Ankesave ka nisur hetimet për dy punonjës policie.

“Në datën 1 gusht, në mbrëmje, në ambientet e dhomave të shoqërimit të DVP Durrës, nga personeli policor u gjend i vetëvarur shtetasi T.T. Ai ishte shoqëruar për rreth 3 orë, si i dyshuar për veprën penale ?Dhunë në familje?, nga policia lokale.  Familjarët kishin denoncuar dhunën e 52-vjeçarit, nëpërmjet një telefonate në numrin unik 112 dhe policia kishte ndërhyrë menjëherë. Nga hetimet paraprake të SHÇBA, rezulton se viktima ka qenë nën efektin e pijeve alkoolike dhe akti është kryer në kohën kur familjarët e tij po shpjegonin në Polici, rrethanat e ngjarjes për dhunën në familje.

Nën drejtimin e Prokurorisë së Rrethit Gjyqësor Durrës, të pranishëm në vendngjarje dhe veprime proceduriale, vazhdojnë të kryhen hetime  për të zbardhur të gjitha rrethanat dhe zbatimin e procedurave standarte nga punonjësit e policisë”, shkruan Policia në njoftimin paraprak. /CNA.al

 





Lajmet e fundit nga