web counter
LEXO PA REKLAMA!

SHKARKO APP

App Store
Google Play

Atentati ndaj Emiljano Ramazanit/ Arrestohen babë e bir, gjendet arma e ekzekutimit

28 Korrik 2020, 16:41, Kronika CNA

Policia ka gjetur dhe sekuestruar armën e zjarrit me të cilën autorët kryen vrasjen e Emiljano Ramazani, më datë 20 korrik.

Mësohet se specialistët e Seksionit kundër Krimeve ndaj Personit dhe Pasurisë në DVP Elbasan, në bashkëpunim me forcat speciale Renea, forcat “Shqiponja” dhe Policinë e Peqinit, kanë arrestuar në flagrancë shtetasit me iniciale A. M., 64 vjeç dhe S. M., 37 vjeç, lindur e banues në Peqin (babë e bir).

Pas informacioneve të grumbulluara gjatë punës hetimore se në ambientet e biznesit të këtyre shtetasve në Peqin ishte fshehur arma e krimit, është ushtruar kontroll i befasishëm dhe si rezultat, në ambientet e brendshme të biznesit, poshtë sabratorit të një makine u gjet një armë zjarri pistoletë model 54 TT, me një krehër dhe një fishek luftarak.

Nga veprimet e mëtejshme hetimore dhe nga provat shkencore ka rezultuar se arma e zjarrit e sekuestruar është arma e zjarrit pistoletë e përdorur në ngjarjen e datës 20.07.2020, në Elbasan, ku është vrarë shtetasi E. R.

Ndërkohë, nën drejtimin e Prokurorisë së Rrethit Gjyqësor Elbasan vijon puna për zbardhjen dhe dokumentimin e plotë të kësaj ngjarjeje./ CNA.al





Lajmet e fundit nga