E fundit!

12:07 Politikë

Rama nuk ishte në interpelancë/ Berisha: Nuk shkel më në Parlament, s'ia mban

Kryetari i Partisë Demokratike, Sali Berisha ka folur jash...

Largimi nga Partizani, Sormani rrëfehet për mediat italiane: Ja si qëndron e vërteta

13 Korrik 2020, 15:28, Sport CNA

Adolfo Sormani tani nuk është më një trajner i Partizanit, teksa klubi i kuq dhe trajneri italian kanë mbyllur bashkëpunimin mes tyre.Sormani Partizani

Në një intervistë të dhënë së fundmi për ?Tuttomercatoweb?, Sormani është shprehur se nuk mund të mendonte më për futboll në këtë situatë dhe për këtë arsye vendosi të mbyllë bashkëpunimin me klubin, i cili ishte më marrëveshje konsensuale.

Mund të na tregoni arsyet e largimit nga Partizani?

Situata është e thjeshtë, ne kemi arritur një marrëveshje me mirëkuptim për tu larguar, nuk ishte një shkarkim. Arsyet e këtij largimi janë të thjeshta, sipas mendimit tim kushtet për garantimin e sigurisë kishin dështuar. Unë nuk po flas vetëm për sigurinë time ose bashkëpunëtorët e mi, është një diskutim më i përgjithshëm që shqetëson të gjithë personat e përfshirë ose të lidhur me ekipin, seancat stërvitore dhe ndeshjet.

Mund të na tregoni se çfarë ka ndodhur ditët e fundit?

Në ditët e kaluara ishin shfaqur 2 raste pozitive brenda grupit të ekipit. Për këtë arsye unë kërkova nga klubi që të bënte testet e të gjithëve para stërvitjeve. Të enjten 9 rezultatet ende nuk kishin mbërritur, por klubi akoma na kërkonte që të stërviteshim duke parë derbin me Tirana të nesërmen. U thashë jo sepse ishte një situatë që nuk duhej marrë lehtë, me moral dhe etikë nuk mund të merrja këtë lloj përgjegjësie ndaj ekipit.

Lojtarët ende stërviteshin , tamponët vetëm më vonë thanë që kishte 3 lojtarë të tjerë pozitivë në ekip. Për mua situata nuk ishte më e përshtatshme. Sporti në disa raste vihet në plan të dytë. Pas rasteve të para unë fola me një virolog në Itali dhe më tha që të ndaloja menjëherë gjithçka. Unë u izolova nga e mërkura, por askush nuk ma imponoi këtë. Unë nuk mendoja të shkoja më në stërvitje dhe jo më të paraqitesha në ndeshje.

Mendime të kundërta mes jush dhe klubit në këtë situatë?

Për ata ishte gjithçka normale. Edhe federata dha dritën jeshile për ndeshjen pavarësisht gjithçkaje. Unë thashë që nuk do ta përgatisja ndeshjen dhe se kisha marrë vendimin që të mos dërgoja shumë njerëz atje ku kishte rrezik. Detyra e një trajneri në situata të tilla delikate, shkon përtej fushës. U ulëm me klubin dhe arritëm në zgjidhje konsensuale. Unë nuk kam interes për polemika ose luftëra me klubin, kështu që ne zgjodhëm këtë rrugë të ndarjes miqësore.?, u shpreh Sormani.