web counter
LEXO PA REKLAMA!

SHKARKO APP

App Store
Google Play

Grup i strukturuar kriminal, trafik droge e shfrytëzim prostitucioni/ Kush janë shënjestra e radhës e OFL

6 Korrik 2020, 09:32, Kronika CNA

Operacioni Forca e Ligjit iu ka dërguar formularët e vetëdeklarimit të pasurisë, katër shtetasve.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL bën të ditur se i ka nisur kërkesat me shkrim për vetëdeklarimin e burimeve të pasurisë, shtetasve:

A. G., banues në Divjakë, Lushnjë, i dënuar në Itali për veprat penale ?Vjedhja me armë? dhe ?Shtrëngim me anë të kanosjes ose dhunës për dhënien e pasurisë?;

M. H., banues në Fier, i dënuar për veprat penale ?Trafikim i lëndëve narkotike?, mbetur në tentativë dhe ?Grup i strukturuar kriminal?;

L. H., banues në Patos, Fier, i dënuar për veprat penale ?Shfrytëzim prostitucioni? dhe ?Trafikim i narkotikëve?;

R. K., banues në Patos, Fier, i dënuar për veprën penale ?Trafikim i lëndëve narkotike?.

Këta individë, si subjekt i Ligjit Special, duhet t?u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t?i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.





Lajmet e fundit nga