web counter
LEXO PA REKLAMA!

SHKARKO APP

App Store
Google Play

Marrëveshja për Zgjedhoren/ Ristani: Duhej të kishte shkuar akoma më thellë

30 Qershor 2020, 20:50, Politikë CNA

Ish-sekretari i përgjithshëm i Partisë Demokratike, Arben Ristani, tha se marrëveshja për Reformën Zgjedhore duhej të kishte shkuar akoma më thellë.

Ristani deklaroi në emisionin ?Në fokus?, në TvT, se opozita ka një fitore nga kjo marrëveshje, që ai e lidh me pranimin e identifikimit biometrik.

?Marrëveshja nuk ka të bëjë thjesht me KQZ-në. Ka një fitore të qenësishme të opozitës që ka të bëjë me pranimin e identifikimit biometrik. E dyta, marrëveshja ndërpreu iniciativën e fortë të qeverisë dhe kryeministrit Rama për të manipuluar procesin përmes njerëzve të besuar në administratë. Për mua duhej të kishte shkuar akoma më thellë. Duhej shkuar te votimi elektronik. Por si fazë e parë, pranimi i identifikimit biometrik është një masë që shmang një pjesë të manipulimit zgjedhor?, u shpreh politikani.

Më tej, ish-sekretari i PD-së foli edhe për djegien e mandateve nga ana e opozitës.

?Opozita është e domosdoshme. Sigurisht që ky Parlament nxori në dritë më të keqen e luftës politike që është zhvilluar këto vite në Shqipëri. Presim që nga ky mësim që morëm të gjitha palët të mos përsëritet më sepse produkti është ai që të gjithë shqiptarët shohin. Opozita jashtë parlamentit ka filluar të ketë tre shtylla kryesore: përfaqësimin e kujdesshëm të elektoratit të saj dhe shqiptarëve në përgjithësi. Ka filluar një proces që do të nxjerrë në pah njerëzit që duhen për betejën e opozitës dhe aksioni politik?, tnënvizoi Ristani./ CNA.al





Lajmet e fundit nga