web counter
LEXO PA REKLAMA!

SHKARKO APP

App Store
Google Play

E fundit!

x

Beson ende te titulli, Kukësi merr një lajm fantastik nga Belgjika

15 Qershor 2020, 06:26, Sport CNA

Kukësi ka marrë një lajm shumë të mirë në momentin vendimtar të sezonit, ku shpreson të jetë përsëri faktor në luftën për titull e të vendosë me çdo kusht nën trysni Tiranën. Verilindorëve u ka mbërritur një mesazh nga Belgjika që u lehtëson punën në këtë një muaj e gjysmë, pasi nuk do të humbasin shërbimet e një prej lojtarëve më të rëndësishëm, Kristal Abazajt.

Sipas kontratës, Abazaj mund të aktivizohej me Kukësin deri në fund të sezonit, me drejtën e aktivizimit edhe në Kupat e Europës. Por Anderleht kishte të drejtën që sa i përket aktivizimit në kampionat, ta mbylte atë më 30 qershor, kur cilësohej i përfunduar edhe edicioni futbollistik. Por klubi belg ka vendosur që të lejojë të gjithë lojtarët që ka në huazim që të vazhdojnë të qëndrojnë në klubet përkatëse deri në mbyllje të sezonit.

VIP Sport ka mësuar se ky do të jetë një lëshim i cili do të kryehet pa asnjë kosto shtesë për verilindorët, të cilët do të vazhdojnë të paguajnë vetëm njërën pjesë të rrogës së Abazajt. Ndërsa pjesën më të madhe do ta përballojnë belgët deri në fund të korrikut, kur pritet të mbyllet kampionati në Shqipëri e ndoshta pak ditë edhe në gusht, nëse  Kukësi shkon në finale e Kupës. Por ndërkohë, lojtari dhe menaxheri i tij, janë në kërkim të një sistemimi të ri pasi të përfundojë eksperinca me Kukësin, pasi kthimi te Anderlehti duket i pamundur.





Lajmet e fundit nga