E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

“Harroje se jemi policë të rreshtit”/ Debate të forta mes Lleshajt dhe Ndreut, Klosi largon mediat

10 Qershor 2020, 10:50, Politikë CNA

Gjatë mbledhjes së sotme të Task-Forcës për turizmin ka pasur debate të forta mes Ministrit të Brendshëm, Sandër Lleshaj dhe kryebashkiakut të Lezhës, Pjerin Ndreu.

Shkak për debatet është bërë prishja e objekteve në zonat bregdetare në nisjen e sezonit turistik.

Ndreu ka kundërshtuar deklaratat e ministrit Lleshaj në lidhje me prishjen e ndërtimeve pa leje, ndërsa ka theksuar se nuk janë policë të rreshtit nën urdhrat e ministrisë.

Ndreu tha prishja duhet të bëhet me një njoftim paraprak, pasi rrënojat e lëna pas nga IKMT ndikojnë në turizmin e zonës.

?IKMT të vijë me një njoftim paraprak. Nëse më vjen ti mua papritur dhe më shemb disa objekte, ti ma shemb turizmin. Nëse bëhet kjo unë si bashki nuk marr pjesë. Ia kam thënë kryeministrit mbrëmë dhe po e them edhe këtu: nëse ju mendoni se jemi policë të rreshtit, harrojeni. Kryetari i bashkisë boll është sulmusr, ka ardhur koha që ligji për qeverisjen vendore të shikohet me kujdes. Se boll, boll është bërë izolimi i kompetencave të pushtetit lokal. Sa ne të injorohemi në këtë mënyrë?

Bëj thirrje publikisht të ulemi e të diskutojmë e të bien dakord me pushtetin lokal. 30 vjet pa leje ndërsa tani në kohën e sezonit turistik mobilizojmë armë. Mesazhet nuk mund të vihen para institucioneve serioze. Nëse për ju nuk ekziston bashkia, në bashkinë Lezhë ka këshill.?-u shpreh Ndreu.

Nga ana tjetër Lleshaj justifikoi IKMT-në, ndërsa theksoi se është një strukturë ligjore që ka mbajtur një barrë të madhe gjatë këtyre viteve.

?Do të thoja ca gjëra por po i kursej ato që do të thoja këtu. IKMT është një strukturë ligjore e respektuar e cila ka mbajtur gjatë këtyre viteve një barrë të madhe në një vend të pushtuar nga paligjshmëria. IKMT e ka kryer këtë detyrë me shumë sukses. Ka goditur një pjesë të madhe të paligjshmërisë dhe këtë detyrë do të vijojë ta kryejë. Protokollet e IKMT janë të përcaktuara në ligj dhe zbatohen në mënyrë rigoroze. Sipas rregullave nuk negociohet me kryetarin e bashkisë për të vendosur ligjin në një vend, ku është shkelur. IKMT do ta vazhdojë këtë punë bazuar në ligj, në raport me shkelësit IKMT do të veprojë drejtpërdrejt dhe nuk marrin autorizim as nga ministri dhe as nga kryetari i bashkisë dhe askush tjetër? Nëse konstatoni shkelje të ligjit jeni të detyruar të ndërhyni si kryetarë bashkie. Duhet të rivendosni ligjin nëse dikush e ka shkelur atë.?-u shpreh Lleshaj.

Ndërkohë, pas debatev ka qenë ministri i Turizmit, Blendi Klosi, i cili ka ndërhyrë duke kërkuar mbylljen e debatit dhe vijimin e mbledhjes pa prezencën e medias.

?Të largohen mediet. Do ta vazhdojmë mbledhjen pa praninë e mediave.?-tha Klosi.