E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Harxhi komenton 15 pikat e integrimit/ Shqipëria ende e papërgatitur

10 Qershor 2020, 07:14, Politikë CNA

Ish zëvendësministrja e Punëve të Jashtme, Edith Harxhi, ka komentuar 15 rekomandimet e planit të integrimit për Shëipërinë.

Pjesën e integrimit Harxhi e ka ndarë në dy pjesë, atë meritore që sipas saj Shqipëria nuk e ka bërë si dhe planin e BE për vendin tonë që dëshiron të hjapë negociatat për arsye gjeopolitike.

?Janë dy procese në BE. Është procesi real i ne shqiptarëve me BE që nuk e kemi dhe është procesi i BE me ne që dëshiron që të hapen negociatat për arsye gjeopolitike. Kalimi i të ashtuquajturës Reformë Zgjedhore nuk është se ishte ndonjë hap shumë i madh për tu përshëndetur kaq shumë. Unë kam kritikat e mia për shumë arsye. Por shoh që BE ka mbyllur sytë aktualisht dhe po na jep një shtytje për tu futur brenda.

Pra janë dy procese, është ai meritor që ne nuk e kemi bërë dhe unë nuk shoh që Shqipëria është e gatshme për një gjë të tillë, duke pasur parasysh edhe 15 pikat. Dhe është pastaj pjesa tjetër e BE me ne?, tha Harxhi në një intervistë për Abc e Mëngjesit, me Enkel Demin.

Gjatë bashkëbisedimit me Enkel Demin, Harxhi u pyet edhe për deklaratën e fortë të bërë ditën e djeshme nga partitë Popullore në Parlamentin Europian. Këto të fundit kërkuan që që Shqipëria të zhvillojë zgjedhje të njëkohshme parlamentare dhe lokale me Kodin e ri zgjedhor.

Sipas saj nuk është çudi që kjo të jetë një kërkesë e opozitës duke pasur parasysh afërsinë që ka opozita me partitë popullore.

?Edhe në 15 kushtet e vendosura nga Bundestagu por edhe KE përpara disa muajsh është shprehur qartë se jo vetëm miratimi i Kodit Zgjedhor, por edhe zbatimi i kodit me zgjedhje të reja, por në të njëjtën kohë edhe vendi që duhet të parë gjykata kushtetuese. Për këtë arsye mendoj se kjo nuk është një shtesë. Unë nuk shoh që Shqipëria ka bërë, apo mund të bëjë përparim nga 15 pikat e kërkuara. Shoh që Shqipëria është shumë larg. Nuk është ende e përgatitur për një hapje të butë, por megjithatë mendoj se edhe këtë radhë mund ta kalojë për shkak të situatës.

Po unë mendoj se është injektuar nga opozita e Tiranës dihen lidhjen e afërta të opozitës me partitë popullore. Nuk është një çudi që kjo të jetë një kërkesë e opozitës, edhe për këtë arsye EPP e ka artikuluar si kërkesë të saj. Por edhe evropianët janë lodhur me ne, kemi 30 vjet që diskutojmë zgjedhjet, komisionerët, pas 30 vitesh morëm identifikimin biometrik. Dhe natyrisht edhe evropianët janë lodhur me ne. Ne përfundimisht duhet të vendosim pikat mbi i?, tha ajo.

Megjithatë, Harxhi thekson më tej se përgatitja e dy palë zgjedhjeve në të njëjërn ditë do të jetë pak e komplikuar për shqiptarët.

?Për përgatitjen e dy palëve zgjedhjeve në të njëjtën kohë mendoj se kjo do e komplikojë pak për shqiptarët. Keni parasysh se do të jenë dy fletë votimi, do të duhet një lloj edukimi zgjedhor për votuesit shqiptarë. Por jam dakord që kjo do të ishte më pozitive sa i përket opozitës se shpërndan vëmendjen dhe ndoshta ka ardhur koha që opozita duhet të mendojë me shumë kujdes se çfarë duhet të bëjë me përzgjedhjen e kandidatëve të saj. Dhe çfarë duhet të bëjë me një ofertë të qënësishme të shqiptarëve sepse nuk mjafton vetëm pakënaqësia e shqiptarëve për mazhorancën aktuale?, deklaroi Harxhi.