web counter
LEXO PA REKLAMA!

SHKARKO APP

App Store
Google Play

Basha ngre alarmin/ “Kriza ekonomike po thellohet çdo ditë, mijëra biznese në prag falimenti”

6 Qershor 2020, 16:56, Politikë CNA

Kryetari i Republikës së Re Lulzim Basha ka takuar sipërmarrës të vegjël dhe banorë të njësisë 9 në kryeqytet, së bashku me ish-deputeten Grida Duma.

Basha ngre alarmin se kriza ekonomike po thellohet çdo ditë dhe se për shkak të pandemisë fuqia blerëse ka rënë.

Kryedemokrati deklaron se mijëra sipërmarrje dhe të vetëpunësuar janë në prag falimenti.

?Kriza ekonomike po thellohet çdo ditë. Fuqia blerëse ka rënë, faturat e dritave dhe të ujit janë dyfishuar gjatë muajve të pandemisë dhe bizneset nuk kanë asnjë mundësi të paguajnë qiratë apo punonjësit. Pronarët përplasen me qiramarrësit sepse nuk kanë marrë qiratë me të cilat jetojnë dhe asnjë dëmshpërblim nga qeveria edhe pse iu premtua.

Mijëra sipërmarrje dhe të vetëpunësuar janë në prag falimenti. Bilanci është tronditës. 60 biznese mbyllen në ditë. Njerëzit po humbasin vendet e punës ndërsa qeveria nuk ka asnjë plan për ta. Shumë familjeve po u sosen mundësitë për mbijetesë.

RAMAVIRUSI shkatërroi ekonominë dhe varfëroi shqiptarët. Edi Rama përdori lekët e shqiptarëve për të paguar oligarkët dhe jo për të ndihmuar familjet shqiptare, që sot jo vetëm në Tiranë po në çdo cep të Shqipërisë i kanë tryezat bosh dhe shpresën të copëtuar nga lënia pas dore?, shkruan ai në rrjetet sociale.

Sipas tij, kjo situatë mund të ndryshojë vetëm duke kthyer vëmendjen tek qytetarët, duke iu kthyer paratë e vjedhura e të grabitura gjatë viteve dhe në veçanti gjatë muajve të fundit të pandemisë.

Basha kërkon që qytetarëve t?i kthehet një qeverisje normale, duke ulur taksat, duke thithur investime të huaja, duke hapur ekonominë dhe duke bërë të mundur që të mirat materiale të këtij vendi t’i gëzojnë shqiptarët dhe jo vetëm një grusht oligarkësh./ CNA.al





Lajmet e fundit nga