web counter
LEXO PA REKLAMA!

SHKARKO APP

U transportua menjëherë në spital, mbrojtësi i Partizanit rrezikon sfidën me Skënderbeun

29 Maj 2020, 10:40, Sport CNA

Miqësorja e së mërkurës me Turbinën, që u fitua 8-1, në përgjithësi la shije pozitive te Partizani. Gjithsesi, ky takim nuk u mbyll pa probleme, pasi Amir Bilali u dëmtua dhe e la ndeshjen në mes.

Mbrojtësi menjëherë pas lëndimit në shpatull është dërguar në spital për kontrolle të hollësishme. Sot stafi mjekësor do të analizojë gjendjen e lojtarit dhe nisur nga ekzaminimet e bëra do të vendoset edhe për rikuperimin e tij.

Për momentin mbrojtësi Bilali rrezikon të humbasë ndeshjen e radhës, ku më 3 qershor Partizani pret Skënderbeun në kryeqytet.

Pas Melos, që është i pezulluar nga plotësimi i numrit katër të kartonëve të verdhë, Amir Bilali mund të jetë mungesa e radhës për stafin teknik për ndeshjen e javës së 27-të të Superiores ndaj korçarëve. Sot pritet që situata e dëmtimit të Bilalit të jetë më e qartë.





Lajmet e fundit nga