web counter
LEXO PA REKLAMA!

SHKARKO APP

App Store
Google Play

Budina thirrje nga Durrësi/ Të rrëzojmë qeverinë, Presidenti do shpërndajë Parlamentin!

22 Maj 2020, 16:48, Politikë CNA

Aleanca për Mbrojtjen e Teatrit po zhvillon një tubim sensibilizues për situatën e krijuar pas shembjes së Teatrit Kombëtar përpara Pallatit të Kulturës në Durrës

Regjisori Edmond Budina u ka bërë thirrje qytetarëve të Durrësit dhe gjithë shqiptarëve që të ngrihen për të rrëzuar qeverinë, sepse ajo sipas tij po përpiqet të përçajë popullin.

Budina u shpreh se Parlamenti është i paligjshëm, ndaj nëse qytetarët ngrihen në protesta Presidenti do ta shpërndajë atë.

?Në 17 maj u vra demokracia, u vendos diktatura e mafies, prandaj ne jemi këtu, të protestojmë dhe ta përmbysim këtë klikë antikombëtare. A e kuptoni, ata vranë kujtesën kombëtare. Shikoni çfarë kanë bërë me Durrësin, e kanë betonizuar. E kanë shkatërruar kujtesën arkeologjike të këtij qyteti. Ne të gjithë duhet të ngrihemi, të protestojmë dhe ta largojmë këtë bandë. Ky parlament është i paligjshëm, duhet të shpërndahet sa më parë. Presidenti e tha, nëse populli do të ngrihet i gjithi ai do ta shpërndajë parlamentin. Prandaj mos kini frikë, ngrini kokën. Ata përpiqen me çdo mënyrë dhe kusht që të futin përçarje mes popullit. Të ngrihemi dhe ta përmbysim këtë klikë?, u shpreh regjisori Edmond Budina nga Durrësi./CNA.al





Lajmet e fundit nga