web counter
LEXO PA REKLAMA!

SHKARKO APP

App Store
Google Play

E fundit!

x

“Më ngatërruan me Niçen e Shijakut”/ Alfred Lela: Nuk do ta fal Ramën dhe Veliajn

20 Maj 2020, 17:13, Politikë CNA

Gazetari Alfred Lela ka folur nga protesta për shoqërimin e tij mëngjesin e 17 majit, kur u shemb Teatri Kombëtar.

Lela tregoi se i kishin thënë se kanë ngatërruar me Niçen e Shijakut. Ai falenderoi të gjithë artistët dhe aktivistët që kanë mbrojtur Teatrin Kombëtar, duke thënë se ia kupton sakrificën.

?Më thanë se më kishin ngatërruar me Niçen, u gëzova. Por më thanë më pas se më kishin ngatërruar me Niçen e Shijakut. Unë erdha këtu sot për të përshëndetur heronjtë e vërtetë, me H të madhe, Edmond Budinën, Liçajn, Malkajn, e shumë e shumë të tjerë që kanë qëndruar bashkë për 27 muaj. 27 duket si një numër, por unë që kam kaluar dy orë e gjysmë në komisariat e di se çdo të thotë 27 muaj. Shumëzoje me qindra e qindra herë. Jua respektojë sakrificën, dhimbjen, ju them se nuk ishte dështim. Shteti që udhëheq, erdhi hajdutçe në mes të natës, pa gdhirë agimi për të shembur një ndërtese që e kujt është? Është e shtetit dhe e jona, por nuk është e pushtetit. Është e njerëzve, e jona?, u shpreh gazetari.

Më tej, ai deklaroi se punonjësit e policisë do t?i falë për shoqërimin e tij, por theksoi se nuk do të falë kryeministrin Edi Rama dhe kryebashkiakun e Tiranës Erion Veliajn.

?I kam falur policët, pasi janë bija dhe bijë nënash. Na bënë kokë turku, por nuk jemi të parët. Nuk do ta fal Edi Ramën dhe Sandër Leshin. Nuk do ta fal jo se u dhunova atë ditë, nuk do ta fal sepse ishin të pazotë për ta pranuar dhe njohur dhunën, për të qenë burra në Shqipëri e të thonë “na fal se ashtu ndodhi”. Nuk mundën se janë burracakë. Që të mos keqkuptohemi, s?kam ndërmend të marr pushkën. Ajo që ndodhi me Teatrin nuk ishte suksesi i parë i Edi Ramës. Dua të përmend disa prej tyre. Kanabizimi i vendit cep me cep. Detyrimi i shqiptarëve për të ikur dhe për të lënë këtë vend, si asnjë herë më parë.?, tha Lela.





Lajmet e fundit nga