web counter
LEXO PA REKLAMA!

SHKARKO APP

App Store
Google Play

Miratohet kalendari i punimeve të Kuvendit/ Seancat me rregullat për COVID, zgjaten në 3 orë

20 Maj 2020, 12:49, Politikë CNA

Tre seancat e ardhshme të Kuvendit dhe deri në korrik do të zhvillohen nga 3 orë duke vijuar me masat dhe standartet për mos lejuar përhapjen e COVID-19.

Programi i punës u miratua sot nga Konferenca e Kryetarëve nën drejtimin e Gramoz Ruçit.

Mbledhja shqyrtoi dhe miratoi me konsensus kalendarin e punimeve të Kuvendit për periudhën 25 maj-12 qershor 2020 dhe vendosi zhvillimin e seancave plenare në datat 28 maj, 4 qershor dhe 11 qershor 2020.

Seancat plenare do të zhvillohen duke zbatuar rregullat dhe standartet për mbrojtjen nga COVID-19 dhe do të zgjasin tre orë, nga dy orë që ishte kufizimi i deritanishëm.
Në përfundim të mbledhjes, Kryetari i Kuvendit, z. Gramoz Ruçi, tërhoqi vëmendjen se ?Funksionaliteti i Kuvendit të Shqipërisë është në vijë të parë krahasuar me parlamentet e vendeve të BE-së. Kuvendi duhet të japë shembullin dhe mesazhe te qarta për publikun për mbrojtjen nga pandemia. Përgëzoj kryetarët e komisioneve për hapësirat e krijuara për të gjithë anëtarët për të diskutuar e marrë vendime. Veprimtaria e Kuvendit ka qenë transparente si asnjëherë tjeger, edhe pse në kushte pandemie. Aksesi për mediat për transmetimin e mbledhjeve të komisioneve dhe seancave plenare ka qenë i plotë. Komisionet të përshpejtojnë punën dhe brenda qershorit të gjitha institucionet e pavarura të raportojnë në Kuvend dhe të miratohen rezolutat përkatëse mbi verimtarinë e tyre.?/CNA.al

 





Lajmet e fundit nga