web counter
LEXO PA REKLAMA!

SHKARKO APP

App Store
Google Play

E fundit!

x

"Bëri krenar gjithë shqiptarët", Fakiç: Skënderbeu i mungon Europës, ja i vetmi klub që mund të arrijë sukseset e korçarëve

15 Maj 2020, 15:33, Sport CNA

Drejtori sportiv i Skënderbeut, Haris Fakiç është shprehur se kjo verë do të jetë vendimtare për klubin, duke ditur se jepet edhe vendimi përfundimtar për atë dënim që u dha nga UEFA. Në prononcimin e dhënë, Fakiç zbulon se Tirana është i vetmi klub në Shqipëri që aktualisht mund të arrijë sukseset e Skënderbeut.

?Akoma nuk kemi lajme zyrtare se kur do të rinisë kampionati në Maqedoni. Sigurisht që situata e krijuar do ketë ndikim edhe në futboll. Çështja e transferimeve sigurisht që do ketë ndryshime.

Ne shpresojmë që gjithçka të shkojë shumë mirë te Skënderbeu dhe nuk dua të mendoj të punoj në një tjetër klub shqiptar përveç korçarëve. Kemi shpresë që gjithçka te Skënderbeu do shkojë shumë mirë, kjo verë do jetë vendimtare për të gjithë ne.

Nuk mund të them unë tani sa kohë do duhet që të arrihen ato suksese të Skënderbeut. Bardhekuqtë kishin gjysmën e projektit të bërë para se të vija unë. Presidenti është i shkëlqyer dhe duke bashkuar forcat arritëm sukseset. Të gjitha lavdërimet janë për presidentin Takaj. Tirana është klubi i vetëm që unë mendoj se mund të arrijë sukseset e Skënderbeut.

Ka shumë arsye që nuk ka transferime të bujshme në Superiore. Kjo ndoshta është për shkak të paraqitjeve të skuadrave shqiptare ne Europë. Mungon një skuadër si Skënderbeu që të përfaqësojë Shqipërinë në Europë. Nuk ka dhe nuk pres të ketë më transferime si më parë, siç bëri Skënderbeu.

Ka qenë një periudhë shumë e bukur. Kualifikimet tona i shikonin të gjithë dhe argëtoheshin. Edhe tani kur i kujtoj ato kohë emocionohem. Duhet të punojmë të gjithë bashkë për të arritur përsëri aty.?, u shpreh Fakiç për ?Supersport?.





Lajmet e fundit nga