web counter
LEXO PA REKLAMA!

SHKARKO APP

"5 maji i mallkuar i Interit", gazeta e madhe italiane e kujton me foton e Rei Manajnt

5 Maj 2020, 15:52, Sport CNA

5 maji i vitit 2002 do të mbetet përgjithmonë si dita më e mallkuar në historinë e Interit. Zikaltërit ishin fare pranë titullit kampion, por Lacio u mohoi këtë gëzim.

Teksa kanë kaluar plot 18 vite nga ajo ditë që pa Juventusin të ngrinte trofeun e kampionatit, vetëm një lojtar nga ajo përballje Lacio-Inter ende nuk është tërhequr nga futbolli.

Kapiteni i Turqisë Emre Belozoglu luan sërish, madje nuk është ndarë as nga kombëtarja turke. Ai sot është 39 vjeç dhe luan akoma me shumë dëshirë. Mesfushori turk u aktivizua për 4 vite me Interin dhe sezoni 2001-2002 ishte edicioni i parë me fanelën zikaltër.

Media italiane ?Corriere dello Sport? i ka kushtuar një artikull veteranit turk të futbollit duke zgjedhur foton e duelit me futbollistin e Shqipërisë Rei Manajn në sfidën për eliminatoret e EURO 2020, Turqi-Shqipëri 1-0.

Në karrierë, Emre numëron më shuë se 800 ndeshje. Turqinë ai e ka përfaqësuar në 101 ndeshje.

Mesfushori shtatshkurtër ka fituar shumë trofe në karrierë, ndërsa me Turqinë arriti të zinte vendin e tretë në Kupën e Botës 2002.





Lajmet e fundit nga