web counter
LEXO PA REKLAMA!

SHKARKO APP

App Store
Google Play

“Ringritja e ekonomisë, fillimi i fundit të keqqeverisjeve”/ Meta: Duhet të shtojmë përpjekjet

30 Prill 2020, 16:00, Ekonomi CNA

Presidenti Ilir Meta ka publikuar një analizë të ish ministrit të Financave, Arben Malaj lidhur me hapjen e ekonomisë pas krizëz të shkaktuar pandemia e koronavirusit.

Në analizën e tij, Malaj thekson se hapja e ekonomisë edhe në mënyrë graduale është fillimi i fundit të efekteve negative të COVID-19, ndërsa ringritja e ekonomisë të jetë fillimi i fundit të keqqeverisjeve, sepse aty gjenden rrënjët përse disa vende preken më pak dhe ringrihen menjëherë.

Ndërkohë, presidenti Meta shkruan se duhet të shtojmë përpjekjet për një hapje të sigurtë dhe të pakthyeshme të ekonomisë, me qëllim ringritjen e saj sa më të shpejtë.

?Ndërsa duhet forcuar edhe më tej kontrolli i pandemisë dhe treguesve të saj, duhet të shtojmë përpjekjet për një hapje të sigurtë dhe të pakthyeshme të ekonomisë, me qëllim ringritjen e saj sa më të shpejtë.
Ju ftoj të lexoni dhe këtë analizë të Prof.Dr. Arben Malaj:
Qeveria duhet ta përmirësojë transparencën publike të hartimit dhe miratimit të paketave sociale dhe mbështetëse për biznesin.
Konsultimi dhe analiza e kujdesshme e çdo propozimi prej grupeve të interesit.
Analiza, vlerësimi dhe përfshirja e propozimeve të opozitës përmirësojnë pritshmëritë e individëve dhe biznesit për daljen nga kriza dhe ringritjen e tyre.
Përmirësimi i pritshmërive optimiste ka një efekt pozitiv në ekonomi shumë më të madh se qindra miliona dollarë apo euro të injektuara në ekonomi.
Hapja e ekonomisë edhe në mënyrë graduale është fillimi i fundit të efekteve negative të COVID-19, ndërsa ringritja e ekonomisë të jetë fillimi i fundit të keqqeverisjeve, sepse aty gjenden rrënjët përse disa vende preken më pak dhe ringrihen menjëherë?, thuhët në postimin e Metës ku është bashkëngjitur edhe analiza e Malajt./CNA.al





Lajmet e fundit nga