web counter
LEXO PA REKLAMA!

SHKARKO APP

App Store
Google Play

"Nuk ka viktimë si pasojë e COVID-19 në spitalin Infektiv"/ MSH tregon shkakun e vdekjes së 62-vjeçares 

14 Prill 2020, 13:08, Lifestyle CNA

Ministria e Shëndetësisë ka përgënjeshtruar lajmin e raportuar në media, ku pretendohet se një 62-vjecare në Spitalin Infektiv ka ndërruar jetë për shkak të koronavirusit.

Në një deklaratë për mediat, MSH thekson se pacientja ka ndërruar jetë si pasojë e sëmundjes së rëndë të pankreasit.

Sipas MSH pacientja ishte bartëse e koronavirusit, por ishte asimptomatike.

?Gjatë ditës së ndërruar jetë në spitalin infektiv një 62-vjeçare si pasojë e një sëmundje të rëndë kronike të pankreasit, me vdekshmëri shumë të lartë: pankreatiti nekrotizant. 62-vjeçarja që vuante edhe nga kanceri dhe astma bronkiale, është sjellë ditën e djeshme në gjendje të rëndë nga spitali i Shkodrës, ku rezultoi bartëse e COVID19, por pa shenja klinike të sëmundjes. Referuar shërbimit infektiv, 62-vjeçarja nuk ka ndërruar jetë si pasojë e COVID19, pasi ishte asimptomatike për këtë sëmundje, por si pasojë e sëmundjes së rëndë të pankreasit.

Ministria e Shëndetësisë informon se do të mbajë të informuar publikun për çdo zhvillim, ndaj lutemi t?I referoheni njoftimeve zyrtare.?-thuhet në deklaratë.





Lajmet e fundit nga