"Drita është shfaqur në fund të tunelit"/ Kalo: Lehtësimi i masave mund të sjellë një valë të dytë

9 Prill 2020, 18:26, Lifestyle CNA

Mjeku Tritan Kalo ka treguar me detaje se si ka çfarë bën ai dhe kolegët e tij gjatë një dite pune te Spitali Infektiv ku po kurohen të gjithë të prekurit nga koronavirusi.

Kalo tregon se dita nis me udhëtimin në urbanin e caktuar për transportimin e personelit të Shëndetësisë, për të vijuar më pas me mbledhjet dhe konsultimet

“Mbërritja në Shërbimin e Sëmundjeve Infektive në QSUT = Covid-1, sikundër ai njihet këto ditë të Pandemisë së Sars-Cov2/Covid-19. Tashmë nga Kliniçistët/Infektiologët, unë mbetem aty ?buka më e vjetër?, një pragpensionist. Fillon dita e punës me mbledhjen e mëngjesit e të gjithë stafit me ekipin e rojes, që drejtohet nga Shefja e Shërbimit, Prof. Najada Çomo, gjatë së cilës ne njihemi me evoluimin e situatës në spital. Veshja me paisjet e mbrojtjes personale, për aq kohë sa më duhet për të parë të sëmurët si dhe për të qëndruar në mjedisin e izolimit të tyre. Vijon më pas me diskutime mes kolegësh për trajtimin sa më të kujdesshëm të të gjithë të sëmurëve tanë, si dhe me përditësimin e dijenive tona mbi këtë sëmundje ?flamë të përbotëshme?. Deri më tanish shpresoj se kemi ecur përmes shtegut të duhur e të mirëtrasuar, sipas parashikimeve të bëra prej nesh”, shkruan ai në rrjetet sociale.

Më tej mjeku thotë se masat e mara për kufizimin e kontakteve, vetëizolimin, higjenën dhe ushqyerjen e duhur, tregojnë se jemi në udhë të mbarë. Kalo kritikon qeverinë e cila ka paralajmëruar se do të lehtësojë masat, teksa thotë se mund të sjellë një valë të dytë infektimesh.

Liberalizimi i tyre jo gradual dhe i pa shoqëruar me të tjera masa shtrënguese, është në mendimin tim i parakohshëm nisur edhe nga eksperienca të ngjashme në Japoni dhe në Korenë e Jugut, të cilat ishin kundraproduktive me rinisjen e një vale të dytë infektimesh. Po ashtu edhe në Kinë vetëm dje pas lirimit te masave në Ëuhan pati 67 raste të reja si dhe dy të vdekur nga Covid-19. Debati shterpë lidhur me numurin e testimeve mundet edhe të vijojë, për sa kohë Politika vijon të prevaloje mbi Profesionalizmin, kudo dhe për çdo gjë në këtë Demon-kracinë tonë shpesh andro-menopauzike. Drita fatmirësisht është shfaqur në fund të tunelit për sa kohë na duhet ende të ecim në të?! Vështirë të thuhet saktësisht, por ditët më të vështira besoj se po i hedhim pas shpine. Bashkëqytetarë të këtij vendi, ju duam shumë. Durimi e ndërgjegjësimi juaj, si dhe puna e përkushtimi jonë kanë filluar të na shpërblehen. Bashkë ne do ja dalim mbanë!”, nënvizon mjeku./ CNA.al