E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Burri i Desada Metës "mollë sherri" në Albpetrol/ Zbulohet emaili dhe ndërhyrja e Ballukut për pagesën

9 Prill 2020, 18:56, Aktualitet CNA

Eksperti kontabël Sokol Toska, bashkëshorti i këshilltares së PD-së Desada Metës, është bërë shkak i një sherri në kompaninë Albpetrol gjatë ditëve të fundit.

Mësohet se Sokol Toska është punësuar në Albpetrol ekspert kontabël i jashtëm për të hartuar kontratën e çertifikimit të bilancit. Ky post sjell të ardhura të majme dhe zakonisht është shumë e vështirë ta gjesh një punë të tillë, pasi paguhet rreth 40-50 mijë euro.

Mirëpo një email i dërguar i siguruar nga gazeta “Dita” tregon se për pagesën e bashkëshortit të Desadës është interesuar vetë ministrja e Infrastrukturës Belinda Balluku.

Balluku i ka kërkuar administratores së Albpetrol Erjola Mukës ti kalohet pagesa Toskës, ndërsa Muka ka akuzuar për këtë çështje drejtoreshën Juridike të Albpetrol Enila Hasanin. Në emailin e mëposhtëm Hasani i ka kërkuar llogari Erjola Mukës.

?Prej dy ditësh emri im po përbaltet nga ana juaj në cilësinë e Administratores së Shoqërisë ?Albpetrol? Sh.a. me arsyetimin se keni marrë një mesazh nga Ministrja e Infrastrukturës dhe Energjisë Znj.Belinda Balluku referuar të cilit unë i kam kërkuar para në emrin tuaj Z. Sokol Toska, Ekspert Kontabël i Regjistruar. Emri im përflitet në mënyrën më banale nga personi juaj me sigurinë e plotë që vetëm njerëzit patetikë dhe qesharakë e kanë.

Nga punonjësit tuaj me vijnë në mënyrë të vazhdueshme fjalë e biseda të kryera nga ana juaj jo vetëm në rreth të ngushtë por edhe në mbledhje apo në ambjentet e shoqërisë ku ju punoni, me tone të larta fyese e denigruese ndaj meje, duke e lejuar veten të shpifni duke më akuzuar si një individ i cili përfshihet në afera korruptive e vjedhjeje në institucion?, shkruan ajo, ndërsa kërkon që kjo çështje të zgjidhet në mënyrë ligjore.

?Nga një njohje shumëvjecare mes nesh, për hir të disa kompromiseve të cilat personi dhe figura ime nuk mund ti pranojnë, mes nesh nisën konfliktet që prej momentit të parë ku unë jo vetëm duke respektuar parimet e mia si njëri por edhe ato profesionale, shfaqa hapur mospajtimin dhe mospërputhshmërinë time qoftë karakteriale apo profesionale si fillim me problematikat e Drejtoreshës së Prokurimeve por, edhe me mënyrën aspak profesionale dhe ligjore që ju po ndiqnit në menaxhimin e Shoqërisë. për të cilin interesohet ministrja.

Është katërcipërisht e sigurtë që shpifjet tuaja kanë emrin e gabuar. Çfarëdolloj indicie apo prove, dokumenta, fakte të cilat kompromentojnë për shkak të detyrës punonjësit e administratës tuaj, ju sugjeroj Znj.Muka, të ndiqni rrugën ligjore, bazuar në Kushtetutë dhe ligjet e Republikës së Shqipërisë.

Si administratore e një prej shoqërive më të rëndësishme në vend, nuk ju lejohet e as ua toleroj të gjitha sa sipër. Se si ju zgjidhni të menaxhoni jo vetëm shoqërinë por edhe jetën tuaj është zgjedhje juaja dhe mbetet e tillë për sa kohë nuk cënoni integritetin tim personal e profesional. Ju bëj me dije se në rastin e parë që do të bie sërisht ndesh me shpifjet tuaja, komunikimi ynë do të zgjidhet ligjërisht pranë organeve kompetente?, nënvizon Hasani./ CNA.al