web counter
LEXO PA REKLAMA!

SHKARKO APP

App Store
Google Play

E fundit!

x

Koronavirusi i pamëshirshëm me mësuesin shqiptar/ Humb jetën Jani Depo në Çikago

9 Prill 2020, 16:52, Aktualitet CNA

Koronavirusi është treguar i pamëshirshëm dhe ka marrë mijëra jetë njerëzish në të gjithë botën.

Mësohet se ky virus ka prekur dhe i ka marrë jetën edhe mësuesit shqiptar Jani Depo nga Sinica e Devollit, që prej 20 vjetësh jetonte në Çikago.

Lajmin e ka bërë të ditur bashkëshortja e tij, Arthimija dhe tre vajzat Mirela, Albana dhe Edlira. Ata njoftojnë se Depo kishte qëndruar 12 ditë në spital, por sëmundjet e tjera shëndetësore në zemër e mushkëri ia bënë më të vështirë luftën me armikun e padukshëm.

Jani Depo kishte pasur një jetë të vështirë që në fëmijëri, pasi babai i tij Llambi ndërroi jetë kur ai ishte vetëm 165 vjeç dhe si mashkulli më i madh në familje iu desh të mbante të gjithë peshën mbi shpatulla.

Ai studioi për mësuesi dhe e ushtroi karrierën e tij për 37 vite, ndërsa në korridoret e shkollës u njoh edhe me bashkëshorten e tij e cila kishte të njëjtin profesion.

Në vitin 2000 mësuesi shkoi në Çikago bashkë me familjen, ndonëse librin e lapsin nuk i hoqi nga dora. Vajza e tij Edlira, tregon se ai lexonte, shkruante dhe bënte reçenca për librat e shokëve.

Për lajmin e hidhur të ndarjes së tij nga jeta janë trishtuar i gjithë Devolli pasi njihej si një figurë e lartë e arsimit./ CNA.al





Lajmet e fundit nga