LEXO PA REKLAMA!

SHKARKO APP

Skandali me pagat/ Institucionet paguajnë shoferat e pastruesit më shumë se doktorët e mësuesit

6 Prill 2020, 10:36, Denoncim CNA
Skandali me pagat/ Institucionet paguajnë shoferat e pastruesit më

Ndodh në Shqipërinë tonë që rroga e një drejtori të një kompanie shtetërore me humbje të jetë më e madhe se e presidentit.
Por ndodh që edhe pastruesja dhe shoferi të paguhen më shumë sesa paga e mesuesit apo doktorit.

Dje CNA.al solli si shembull KESH, institucionin që bordi i kishte ngritur rrogat në fund të vitit të shkuar, ku drejtori merr 3 milionë lekë rrogë në muaj.
Duke bërë një vëzhgim të tabelës së pagave duket qartë se pagat janë ?të çmendura?.

Shoferi i administratorit e ka pagën nga 736 mijë lekë në 874 mijë lekë, ndërkohë që paga mesatare për mjekët është 700 mijë dhe infermierët 400 mijë. Ata sot po luftojnë me Coronavirus, kurse shoferi shëtit administratorin e KESH, drejtorin e përjetshëm Benet Beci.
Por, nuk mbaron këtu gjithçka në këtë institucion. Punonjësja e recepsionit paguhet sërish me shumë se një mesues, rroga i shkon nga 510 mijë në 750 mijë lekë të vjetra.

Më shumë se mesuesi paguhet edhe shoferi i thjeshtë që mund të marrë deri në 620 mijë lekë rrogë në muaj gati 50% më shumë se infermierët apo 20% më shumë se mësuesit.
Të njëjtin nivel page me mësuesit dhe infermierët ka edhe sanitarja, pra një pastruese merr nga 360 mijë deri në 570 mijë lekë.

Këto janë pagat e personelit me arsim të mesëm që punojnë në qendër, pranë Administratorit, stafi i të cilit ka rroga disa milionëshe, ku këshilltarët dhe kabineti shkon nga 2.1 në 2.5 milionë lekë./CNA.al

 

Lajmet e fundit nga