E fundit!

11:00 Denoncim

Dokumenti/ Familjarët e vrasësit të policit në Maliq përfituan fonde nga AZHBR

Vrasja e efektivit Enea Mekolli në krye të detyrës ka nxje...

Zoti Braçe punëtorët që i “robërove” me VKM në cilat gjykata ti kërkojnë të drejtat ?

2 Prill 2020, 10:19, Politikë CNA

Kreu i Konfederatës së Sindikatave të Shqipërisë, Kol Nikollaj ka reaguar në lidhje me një deklaratë që zv.kryeministri Erion Braçe ka bërë një ditë më parë. Braçe dje paralajmëronte biznesine madh që most ë largojë punonjësit, pasi sipas tij do të detyrohen të paguajnë dëmshpërblim.

Ndërkohë, sot Nikollaj thekson se nuk ka vend për populizëm as për propogande me VIP-a ,apo “Adaptime gjyshërish”.

Ai shton më tej se njerëzit në luftë kanë nevoja bazike dhe për këto nevoja duhen vendimet të shpejta,dinamike gjithëpërfshirëse dhe të konsultuara me aktorët social.

Sipas kreut të KSSH, ato që deklaron Braçe nuk kanë asnjë vlerë, sepse sikurse e thekson ai, Brace si Zëvendës Kryeministër ka harruar se vetë ka nënshkruar një “VKM Antipunëtor” ku detyron gjykatën administrative të mos gjykojë asnjë çështje gjyqësore me objekt ligjor Kodin e Punës.

?Zv. Kryeministri Erion Braçe këtë të mërkurë në rrjetet sociale ka paralajmëruar biznesin e madh që të mos shkurtojë punonjësit në këtë periudhë te situatës jashtëzakonshme të pandemisë botërore të Covit-19 , pasi ata mbrohen me ligj, e në të kundërt do t’i paguajë deri në 12 paga. Kjo është më pak se gjysma e të vërtetë .
Ai ka cituar Kodin e Punës, ku parashtrohen qartë rastet se kur pronari detyrohet të shkurtojë stafin për mungesë të fondeve, ka disa detyrime ligjore, mes të cilave dhe trajtimin me pagese papunësie. Gjithashtu, Braçe ka renditur edhe të drejtat që ka çdo punonjës nëse hiqet nga puna pa e njoftuar paraprakisht. Deri këtu mirë..??
Po Zoti Brace si Zëvendës Kryeministër ka harruar se vetë ka nënshkruar një “VKM Antipunëtor” ku detyron gjykatën administrative të mos gjykojë asnjë çështje gjyqësore me objekt ligjor Kodin e Punës , pavarësisht kush është punëdhënësi.

Eshtë kjo qeveri dhe kjo politikë-bërje e vendimmarrje e fila ka bllokuar reformën në drejtësi dhe po dërgon drejt asfiksimit të gjitha shkallët e gjyqësorit. Pikërisht në kohën e “luftës epidemike” ku po krijohet kaos botëror në marrëdhëniet e punës dhe të shpërblimit të pagave në Shqipëri mbyllen të gjitha gjykatat si masën parandaluese. Nuk hidhet patatja e nxehtë aq kollaj tek gjykatat inegzistente. Zoti Brace mirë bën në citimin e Kodit Punës , por nuk duhet ta bëjë atë selektiv,se pastaj pa dashje i mashtron punëtorët dhe nuk i ndihmon në luftën e tyre me Oligarkët dhe VIP-at e ekonomisë.

Duhet ti shtojmë arsyetimit ligjor të z.Brace edhe Nenin 129 te Kodit Punës i cili flet për arsyet e refuzimit për të dhënë punë. Pika një e tij citon : ” Një punëdhënës refuzon të zërë me punë punëmarrësin ,për një arsye që nuk lidhet me të , ai detyrohet ta paguajë punëmarrësin edhe kur nuk vazhdon të punojë” Dhe vazhdon me piken 3 , ”
Bëjnë përjashtim rasti i forcave madhore ,si dhe rasti kur punëmarrësi shkakton vetë me faj pamundësinë e kryerjes së punës ” Pra duket qartë qe kur puna ndërpritet dhe pagesa e punëtorëve nuk kryhet ,kjo vjen nga arsyeja që janë jashtë vullnetit të punëdhënësve, atëherë kjo nuk mbetet me dëshirë VIP-ash por dëshirë,vullnet dhe obligim i qeverisë,që në rastin konkret e drejton Z. Brace.
Ju sjellim në vëmendje se ka vite që KSSH kërkon miratimin dhe zbatimin e Konventës ne Kuadër të kërkesës BE për Fondin e solidaritetit kur bizneset kanë paaftësi paguese apo falimentojnë si dhe Direktiva 2008/94/KE , ” Për mbrojtjen e punëmarrësve në rast paaftësie paguese të punëdhënësit.”
Dhe pikërisht biznesi VIP ka lobuar me qeverinë që të mos bëhet i mundur një fond i tillë i cili mbulon mbi 3 muaj pagat e punëmarrësve në kushte të jashtëzakonshme,sepse ata duhet të paguanin ritmikisht një kuotë solidariteti në këtë fond që ky të ishte i mundur. Edhe Neni 134 i KP i sqaron qartë se : ” Të drejtat e punëmarrësve në rast të ndërprerjes së punës për shkak të kushteve klimaterike të jashtëzakonshme përcaktohen me VKM” dhe Neni 153 i KP ,pika 2 vazhdon..” vlerësohen si shkaqe të justifikuara të gjitha rrethanat e rënda që nuk lejojnë sipas parimit të mirëbesimit ti kërkohet atij që zgjidh kontratën , vazhdimësia e marrëdhënieve të punës”. Deri tani nuk po shohim një VKM të veçantë për pagesat e punëmarrësve në kohë pandemie të Covid-19. Qeveria këtë e ka justifikuar me ” paketa lufte” pa i dhënë zgjidhje konkrete sipas ligjit. Gjithë kjo eufori dhe këto gjykime të cunguara vijnë nga dicka tjetër. Ndoshta është i vetmi Komitet Emergjencash në Europë ,që funksionon afër qeverisë dhe qe ka përfshirë organizata biznesi, eksperte ,e dijetar civil, por nuk ka përfshirë përfaqësuesit e vërtetë ligjor te punëmarrësve,sindikatat. Asnjë nga dy Sindikatat Kombëtare , partnere sociale të qeverisë nuk janë përfshire në këtë Komitet .
Ky është një veprim autoritar qe anashkalon zërin e punonjësve në vendimmarrje fondamentale dhe aq të domosdoshme për ta.?-thuhet në deklaratën e KSSH./ CNA.al

Braçe paralajmëron të ?fortët?/ Shkurtoni luksin dhe jo punëtorët, do paguani dëmshpërblim