SKANDALI-Çmimi i karburanteve pëson rënie drastike/ Albpetrol publikon ankand për shitjen e naftës bruto

2 Prill 2020, 11:28, Ekonomi CNA

Situata e vështirë që po kalon bota por edhe Shqipëria për shkak të koronavirusit ka prekur edhe shumicën e sektorëve të ekonomisë, përfshirë edhe atë të karburanteve.

Çmimet e karburanteve në pikat e tregtimit me pakicë janë ulur me 5-10 lekë/litër ditët e fundit, duke shënuar reduktimin e dytë brenda pak javësh, dhe duke e çuar uljen në 15-20 lekë për litër.

Tkurrja e kërkesës e shkaktuar nga pandemia e koronavirusit, si dhe ulja e çmimit në bursat botërore u reflektuan edhe në tregun me pakicë vendas.

Sipas Monitor, sot një litër naftë në pikat e karburantit u tregtua nga 155 deri 163 lekë/litër. Benzina është shitur deri në 164 lekë/litër.

Por, ndërkohë që çmimi i naftës për fuçi në tregje ka rënë në mënyrë drastike, Shoqëria Albpetrol sh.a publikon Ankandin për shitjen e naftës bruto.

Pra, Albpetrol nxjerr në shitje sasi të konsiderushme, ndërkohë që tregjet dhe situata e tyre tregon se vetëm me kalimin e pandemisë mund të kemi një stabilizim të çmimit dhe kjo mund të ndodhë për makasimumi dy muaj.

Ndërsa Albpetrol, një sha shtetërore del në treg duke shitur naftën bruto, për një copë bukë.

Më poshtë ankandi i shpallur nga Albpetrol sha.

1.Autoriteti Shitës: ?Albpetrol? Sha Patos, Rruga Fier ? Patos km 7.

2.Data e zhvillimit të ankandit: 08. 04.2020, ora 11:00.

3.Lloji i Procedurës të ankandit: ?Procedure e hapur?.

4.Objekti i Shitjes: Shitje nafte brut, sasia 117 639 ton.

5.Afati i evadimit: 300 ditë nga data e nënshkrimit të kontratës.

6.Përshkrim i shkurtër i objektit të shitjes: Shitje e naftës brut, sasia 117 639 ton.

7.Vlera fillestare:

Në kushtet FOB

Çmimi minimal fillestar për njësi = 72.2 % Çmimit Brent + K

Në pikat e lëvrimit

Çmimi minimal fillestar për njësi = 72.2%Brent ? 3.123 USD/bbl +K

(72.2/100) është koefiçienti i cili përfaqëson karakteristikat mesatare të naftës që do të shitet të krahasuar me karakteristikat e naftës Brent të cilat janë dhënë me hollësi në tabelat e mësipërme.

123 USD/bbl kosto mesatare totale (transport, magazinim stokim, analizim, sigurim)

K- eshte vlera USD/bbl e ofruar nga ofertuesi mbi çmimin minimal të shitjes të përllogaritur nga formula (K?0).

8.Vendndodhja e naftës brut si me poshte:

9.Vendi i zhvillimit të ankandit: Ministria e Infrastrukturës dhe Energjisë, Rruga Abdi Toptani Nr. 1, Kati II, Salla e Mbledhjeve, Tiranë.

10.Afati i fundit kohor për dorëzimin e kërkesave për pjesëmarrje: në zyrën e protokollit Kati 1 tek Ministria e Infrastrukturës dhe Energjisë, datë 08.04.2020, ora 11:00.

11.Data e hapjes së ofertave: datë 08.04.2020, ora 11:00, Ministria e Infrastrukturës dhe Energjisë, Rruga Abdi Toptani Nr. 1, Kati II, Salla e Mbledhjeve, Tiranë.

12.Informacion mbi dokumentet e ankandit:

Dokumentat e ankandit mund të tërhiqen pranë autoritetit shitës me paraqitjen e një kërkesë me shkrim ose në faqen zyrtare të ?Albpetrol? sha www.albpetrol.al dhe në faqen e Ministrisë së Infrastrukturës dhe Energjisë www.infrastruktura.gov.al.

Dokumente me pagesë:

13.Kërkesa për pjesëmarrje, dokumentet dhe informacionet e kërkuara dorëzohen nga kandidatet blerës në kopje fizike, me postë ose dorazi, përpara datës dhe orës së zhvillimit të ankandit, në vendin e përcaktuar në dokumentat e ankandit./ CNA.al