web counter
LEXO PA REKLAMA!

SHKARKO APP

E fundit!

x

U rikthye pas 48 vitesh në repartin e Infektivit/ Basha uron shërim të shpejtë për doktor Dhimitër Krajën

1 Prill 2020, 09:16, Lifestyle CNA

Kreu i PD, Lulzim Basha i ka uruar shërim të shpejtë doktor Dhimitër Krajës i cili u rikthye pas 48 vitesh në repartin e infektivit për të ndihmuar dhe shpëtuar jetët e pacientëve dhe u infektua nga Covid 19.

Basha shprehet se guximi, humanizmi, profesionalizmi dhe solidariteti njerëzor rrëzuan çdo pengesë, dhe e rikthyen atë në krah të kolegëve të tij.

Sipas kryedemokratit, sot si kurrë më parë duhet të nderojmë dhe vlerësojmë sakrificat e mjekëve.

?Asgjë nuk e ndali doktor Dhimitër Krajën të rikthehet pas 48 vitesh në repartin e infektivit për të ndihmuar dhe shpëtuar jetët e pacientëve. Guximi, humanizmi, profesionalizmi dhe solidariteti njerëzor rrëzuan çdo pengesë, dhe e rikthyen atë në krah të kolegëve të tij, në mbrojtje të jetës dhe shëndetit të bashkëqytetarëve nga virusi i rrezikshëm që e preku dhe atë vetë.
I uroj nga zemra doktor Dhimitrit shërim të shpejtë! Urime dhe lutje për shëndetin e tij burojnë nga zemra e çdo shqiptari. Sot si kurrë më parë nderojmë dhe vlerësojmë sakrificat e mjekëve dhe infermierëve tanë që përballen çdo orë me rrezikun dhe sfidat e vështira të shpëtimit të jetëve nga pandemia e COVID-19?, shkruan Basha./CNA.al





Lajmet e fundit nga