E fundit!

19:55 Aktualitet

“Protestat e kanë goditur qeverinë”/ Kikia: Ministrat dhe deputetët nuk ecin të lirë në rrugë

Gazetari dhe analisti Mentor Kikia ka folur ditën e sotme ...

Policia aksion në Kavajë/ Arreston dy persona të shpallur në kërkim

29 Mars 2020, 16:13, Kronika CNA

Policia e Kavajës ka arrestuar dy persona të shpallur në kërkim në sajë të operacionit policor të koduar ?Rrakulli?.

Bëhet fjalë për shtetasit me iniciale E.L., 28 vjeç, banues në Kavajë, dhe K.K., 41 vjeç, banues në Kavajë.

Gjykata e Rrethit Gjyqësor Kavajë kishte caktuar masën e sigurimit ?Arrest në burg? ndaj 28-vjeçarit për veprën penale ?Vjedhja me dhunë?, pasi ky shtetas, në bashkëpunim me 34-vjeçarin K.L., banues në Kavajë, i arrestuar më datë 22.02.2020 (dhe aktualisht është me masë sigurimi ?Arrest në burg), në lagjjen nr. 4 Kavajë, më datë 21.02.2020, kanë tentuar të vjedhin me dhunë, duke goditur me sende të forta në kokë shtetasin Xh. L., 81 vjeç.

Nga veprimet hetimore të kryera, ka rezultuar se të dy këta shtetas janë autorë edhe të katër rasteve të tjera të vjedhjes me thyerje, konkretisht: Më datë 03.03.2020 kanë vjedhur banesën e shtetasit S. Xh.; më datë 04.03.2020, gjatë natës, në autostradën Durrës-Rrogozhinë, kanë tentuar të vjedhin në godinën e një firme private; më datë 08.03.2020, ora 02:00, kanë vjedhur me thyerje në banesën e shtetasit N. D., banues në Rrogozhinë dhe më datë 19.03.2020, në lagjjen nr. 5, Kavajë, kanë vjedhur me thyerje në banesën e shtetasit L. K.

Ndërkohë, 41-vjeçari ka qenë i dënuar më pare pasi Gjykata e Shkallës së Parë Kavajë kishte caktuar masën e sigurisë ?Arrest në burg, në mungesë?, për veprën penale ?Vjedhja?. Ai ka tentuar të vjedhë me thyerje në banesën e shtetasit M. Rr., në fshatin Rrakull, Kavajë.

Gjithashtu u bë e mundur zbardhja edhe e 7 rasteve të tjera të vjedhjes së banesave të dyshuara se janë kryer nga ky shtetas, konkretisht:

Më datë 09.02.2020, gjatë orëve të natës kanë tentuar të vjedhin me thyerje në banesën e shtetasit I. U., banues në Kavajë; më datë 23.02.2020, kanë vjedhur me thyerje në banesën e shtetasit I. K., banues në Kavajë; më datë 29.02.2020, gjatë natës është vjedhur pa thyerje, banesa e shtetasit Q. D., banues në Kavajë; më datë 03.03.2020 kanë vjedhur me thyerje në banesën e shtetasit I. Ç., banues në fshatin Vorrozen; më datë 09.03.2020 kanë tentuar të vjedhin me thyerje në banesën e shtetasit K. J.; më datë 11.03.2020 kanë vjedhur me thyerje në banesën e shtetasit Z. L.; më datë 14.03.2020, gjatë natës, në fshatin Synej, kanë vjedhur me thyerje në banesën e shtetasit I. M.

Gjate operacionit janë gjetur dhe sekuestruar në cilësinë e provës materiale disa nga sendet e vjedhura në këto banesa.

Ndërkaq, materialet iu referuan Prokurorisë së Rrethit Gjyqësor Kavajë, për veprime të mëtejshme./ CNA.al