web counter
LEXO PA REKLAMA!

SHKARKO APP

App Store
Google Play

“Sanatoriumi është zbrazur”/ Pneumologu: Mund të jemi më shumë mjekë të prekur se janë konfirmuar

28 Mars 2020, 19:05, Lifestyle CNA

Mjeku pneumolog Arjan Mezini ka treguar se Sanatoriumi është boshatisur dhe pacientët janë zhvendosur në Spitalin Rajonal të Elbasanit.

?Sanatoriumi është zbrazur, pacientët tani do orientohen drejt spitalit Rajonal të Elbasanit ku është krijuar një nga klinikat, një nga shefat do mbajë një grup mjekësh pneumologë?, deklaroi ai në emissionin ?Kjo Javë, ndërsa tregoi se aktualisht te Sanatoriumi janë 190 shtretër dhe 6 respiratorë.

Ai foli edhe për kolegët e prekur me koronavirus te Sanatoriumi, për të cilët tha se janë vetëm 4 apo 5.

?Në dijeninë time janë 4 ose 5 infermierë apo mjekë të infektuar. Kanë shenja klinike dhe janë në gjendje shumë të mirë shëndetësore. Përqindja më e madhe e tyre e ka kaluar në rast asimptomatik, pra kollë të lehtë, temperatyrë apo dhimbje muskujsh?, tregoi Mezini, i cili pretendon se numri real i personelit shëndetësor që është i prekur është më i madh nga ai që është konfirmuar.

?Unë jam i mendimit që personat ose ne si personel që jemi afektuar numri duhet të jetë më i madh dhe prandaj e kërkoj me insistim. Duke ditur numrin e personelit të afektuar atëherë mund të kemi një pasqyrë edhe për trajtimin e pacientëve. Pacienti që ka shenja klinike është më identifikueshëm, por dyshimi mund të jetë shumë i madh që shumë nga ne janë të infektuar?, nënvizoi mjeku./ CNA.al





Lajmet e fundit nga