web counter
LEXO PA REKLAMA!

SHKARKO APP

App Store
Google Play

E fundit!

x

Beteja me COVID-19/ Koha për të thirrur në ndihmë studentët

12 Mars 2020, 10:30, Aktualitet CNA

Koronavirusi, i njohur tashmë si COVID-19, po mban në alarm shumë vende të botës. Përhapja globale e virusit ka arritur tani në nivelin e një pandemie në përmasa të mëdha. Shefi i OBSH-së, Tedros Adhanom Ghebreyesus, deklaroi një ditë më parë se organizata e tij e ka vlerësuar papushim 24 orë përhapjen dhe tani duhet bërë fjalë për një pandemi. Në dy javët e fundit numri i rasteve me COVID-19 jashtë epiqendrës, Kinës, është 13-fishuar.

Në të gjithë botën heronjtë që po përballen me këtë betejë janë mjekët dhe infermierët që po punojnë me orare të gjata pa pushim, për tiu ardhur në ndihmë të infektuarve.

Tashmë COVID-19 ka mbërritur edhe në vendin tonë, ku janë konfirmuar 15 rastet e para.

Por, ndërkohë që vendi përballet me këtë betejë, ajo çfarë duhet të bëjë qeveria shqiptare është të thërrasë në apel studentët. Në qoftë se do të shohim në Itali, Francë dhe Gjermani, por edhe në vende të tjera, edhe në rastin e Kinës apo Koresë së Jugut, ajo që ka ndodhur është që qeveritë kanë thirrur në apel studentët.

Pra, të gjithë studentët të cilët janë në fakultetin e infermierisë, mjekësisë apo edhe ato të stomatoligjisë, janë thirrur dhe janë trajnuar në pak kohë në mënyrë të shpejtë dhe pastaj janë përdorur në këtë situatë emergjence.

Cilat janë mënyrat sesi janë përdorur?!

Janë vendosur çadra në ambiente publike, ku këta studentë të veshur me mjete mbrojtëse kanë matur temperaturën e njerëzve ose iu kanë bërë analizat në rrugë. Kanë shikuar edhe njerëzit në hyrjet e spitaleve. Pra, nuk lejohet që turma e njerëzve të hyjë nëpër spitale, apo persona të sëmurë. Por, ata kanë një kontroll paraprak në një ambient tjetër, që mund të jetë një çadër ose një ambien tjetër i ngritur posaçërisht për të kryer këto kontrolle.

Dhe për këto kontrolle nuk ka nevojë të ketë ekspertë, por studentët e mjekësisë dhe të infermierisë, të cilët janë me mijëra në Shqipëri mund të asistojnë së shumti në Tiranë dhe në Durrës, sidomos për të ulur panikun tek qytetarët, dhe që të sensibilizojnë njerëzit që të bëjnë kontrolle.

Mjafton që ata të jenë me mjete mbrojtëse dhe sipas protokollit, për të bërë të mundur një ndihmë të madhe në lidhje me shumë njerëz, të cilët dyshohen se mund të kenë koronavirus apo të tjerë që mund të kenë thjeshtë viroza stonore apo të tjera problematika që nuk kanë lidhje me Covid-19.

Do të ishte një ndihmë e madhe kjo për qytetarët nëse qeveria do të ndërmerrte këtë hap sa më shpejt. Duhet të fillojë trajnimi në mënyrë urgjente për ta, dhe pastaj t?i nxjerrësh në terren.

Ndoshta policia dhe ushtria është e lehtë të nxirren në rrugë, sepse ata janë të trajnuar dhe dinë ta bëjnë mirë detyrën, kurse studentët e infermierisë dhe mjekësisë, sidomos ata që kanë mbaruar vitin e parë, mund të trajnohen për të matur temperaturën dhe për të bërë analiza të thjeshta në rrugë.

E në këtë rast mund të futet në funksion të këtyre analizave dhe këtyre ndihmave momentale edhe kompania koncesionare e analizave, dhe Check-up. Gjithçka duhet të jetë në shërbim të kësaj situate. Kuptohet që qeveria duhet t?iu paguajë edhe detyrimet apo t?i thërrasë si ndihmës apo të vendosë shpërblim për ta që ti motivojë sa më shumë që të japin kontributin e tyre për situatën./ CNA.al





Lajmet e fundit nga