Artan Hoxha ironizon OFL-në/ “Pse Rama krijoi repart qindra-miliona lekë kur RENEA i ka mbrojtur prapanicën”

5 Shkurt 2020, 17:37, Politikë CNA

Gazetari i kronikës së zezë, Artan Hoxha, ka ironizuar Operacionin Forca e Ligjit(OFL), i cili ka hyrë në ditën e tretë të aksionit të tij.

Hoxha thotë se njësia speciale vazhdon të “realizojë me sukses” detyrën e shpërndarjes së postës për formularin Anti-KÇK, në resortet e braktisura ose banesat përdhese në rrethinat e Shkodrës.

Gazetari deklaron se në pritje për të parë shkëlqimin e prangave të OFL-së, shkoi me vrap në repartin e RENEA-s, për të cilin thotë se Rama e ka harruar.

Ai ka publikuar një foto me djemtë e RENEA-s dhe thotë se nuk i kanë uniformat aq me gusto dhe të bukura sa ato të OFL-së,por nuk kanë as syze të bukura firmato si ato të agjentes bjonde.

?Kam 25 vite që i ndjek cep më cep dhe shkrep më shkrep të këtij vendi dhe kurrë se kam marrë vesh kë kanë zëdhënës, pale pastaj t?u vënë në dispozicion ndonjë bjonde. Respekt dhe nderim për këta djem që i kanë ofruar siguri këtij vendi, duke rrezikuar jetët e tyre.

Tashmë të gjithë e dinë se kush ka ngritur armën drejt tyre, ka puthur dheun. Në memorialin e heronjve të Policisë dhe në varrezat e “Dëshmorëve të Kombit”, ata kanë heronjtë e dëshmorët e tyre, shokët e vet të armëve?, thekson gazetari.

Hoxha ngre akuzat kur thotë se: KÇK-ja po shpenzon kohë dhe po lodhet për të liruar e boshatisur qelitë e burgjeve nga bosët e krimit, që janë arrestuar nga djemtë e RENEA-s.

Ai pretendon se pavarësisht tentativave, KÇK-ja nuk ia ka dalë dot t?i lirojë të gjithë

?Dhe sa për kujtesë, ai kompleksi në Shijak ku OFL xhiroi serinë e parë të operacionit luksoz, ishte kontrolluar, bastisur dhe të zotët ishin arrestuar gati një javë më parë prej RENEA-s. Thjeshtë ata të RENEA-s nuk kanë mbulim të mirë mediatik, nuk kanë veshje elegante dhe nuk pozicionohen aq bukur taktikisht sa këta të OFL-së që i ka marrë në patronazh I MADHI.

Ende nuk e kam parë rezultatin e marrjes në vijë-shënimi të këtyre të rinjve, por e di se kur RENEA të marrë në vijë-shënimi… më mirë ngri duart lart edhe dorëzohu, ndryshe të puth halla në ballë…?, shkruan Hoxha më tej.

Gazetari ironizon Ramën për rolin e dajës tek filmi ?I Love Tropoja? i Ermal Mamaqit, teksa e cilëson OFL-në si repartin me gjasme në film.

Hoxha kërkon të dijë pse Rama e krijoi këtë repart të ri, “ku ka shpenzuar qindra-miliona lekë harxhe për improvizime alla Top Story e show mediatik, dhe i braktis ata ujqërit profesionistë që e kanë shpëtuar nga halli sa herë i është rrezikuar prapanica”.

?Me foto: Me çunat e RENEA-s në një bisedë taktike duke zbërthyer skenarin brilant të OFL-së, për të nxjerrë “mësime” dhe për të korrigjuar “gabimet” në operacionin e ardhshëm KKÇ “Kush ma ka çakmakun”…

Ndjesë për maskat, nuk e kemi bërë për efekt mediatik, por në zbatim të urdhërit të ministrit të Brendshëm Sandër Lleshaj, që asnjë nga punonjësit e policisë (përveç asaj bjondes) të mos kontaktojë me gazetarët…?, përfundon ai./ CNA.al