A do ta sekuestrojë Anti-KÇK-ja, pasurinë e Lali Erit?

5 Shkurt 2020, 10:17, Politikë CNA

Në mbledhjen e datës 31 janar 2019, Këshilli i Ministrave miratoi me akt normativ, ligjin special për masat pasurore ndaj krimit të organizuar, e njohur ndryshe si paketa Anti-KÇK.

Ndërkohë, Operacioni Forca e Ligjit, tashmë ka filluar disa aksione në Shkodër, Elbasan dhe Shijak. Ndërsa një ditë më parë i dha ultimatum Lulzim Berishës dhe Ardian Çapjas të justifikojnë pasurinë brenda 48 orësh.

Por, shqiptarët presin Anti-KÇK-ja, së pari ta fillojë punën nga politika, të hetojë zullumet e tyre në 30 vite demokraci dhe një ndër personat e parë që duhet hetuar është edhe kryebashkiaku i Tiranës, Erion Veliaj dhe burimi i pasurisë së tij.

Kryebashkiaku i Tiranës, Erion Veliaj, i cili ka marë mandatin e dytë për të udhëhequr Tiranën, rezulton milioner.

Përveç pagës ai ka përfituar të ardhura dhe nga udhëtimet jashtë.

Veliaj pretendon se ka ndryshuar Tiranën, por të dhënat tregojnë se ka ndryshuar më shumë pasurinë e tij. (Lexo këtu).

Por, një tjetër provë për Anti-KCK-në, është edhe dasma e famshme e kryebashkiakut të Tiranës.

Erion Veliaj është martuar në shtator të vitit 2014. Një dasëm që zgjati pothuajse një javë të tërë.

Pas ceremonisë madhështore në Kalanë e Gjirokastrës, Veliaj organizoi një tjetër ceremoni, në Pezë me rreth 900 të ftuar.

Një dasëm normale në një qytet të thjeshtë ku u zhvillua me të ftuar VIP-a dhe kostot që kishte ajo shkon disa dhjetëra milion lekë, ndoshta edhe qindra, ndërsa Lali na tha se e kishte bërë me kursimet e mamit.

Por, fakti është se Veliaj nuk bëri një, por disa dasma. Një e bëri në Pezë, një e bëri në Kala. Janë dhjetëra milion lekë, të cilave nuk iu dihet burimi, pa folur për dhuratat që kanë marrë ai dhe bashkëshortja.

Ai mund të thotë edhe se ?mua më ka kushtuar 100 mijë lek të vjetra?, por dasma në kala mjafton të pyesësh kompanitë që ofrojnë këto shërbime për ta marrë vesh sesa kushton.

Tani kjo Anti-KCK-ja a do ta kontrollojë dhe burimin e financimit të Lali Erit? A do ti japë 48 orë kohë Lalit të na tregojë burimin e pasurisë, se me rrogë te Mjaft dhe pak kohë si ministër nuk martohesh dot në Kala. As te lokali i llotove dhe qofteve të lagjes nuk martohesh dot me aq njerëz sa kishte Lali Eri, pa folur këtu për luksin e shfrenuar dhe disa dasma.

SPAK ka filluar pune, por spo duket. Tani shpresat janë te kjo e ashtuquajtur Anti-KÇK, e cila është e qeverisë, është edhe një mundësi për këtë të fundit të tregojë sesa seriozisht e ka luftën ndaj krimit dhe korrupsionit. Dhe jo vetëm me Lali Erin, por edhe me simbolet e tjera të korrupsionit politik në Shqipëri./ CNA.al

Milioneri që “vrau” Ardit Gjoklajn/ Erion Veliaj, nga skandalet tek pasuria