web counter
LEXO PA REKLAMA!

SHKARKO APP

App Store
Google Play

Do ketë zgjedhje të parakohshme?/ Balla thirrje presidentin pas takimit me delegacionin e KE

4 Shkurt 2020, 16:54, Politikë CNA

Kryetari i Grupit Parlamentar të Partisë Socialiste, Taulant Balla, ka folur për zgjedhjet pas takimit me delegacionin e Komisionit Evropian.

Në një prononcim për mediat, Balla deklaroi se në Shqipëri zgjedhjet do të zhvillohen në qershor të vitit 2021, duke hedhur poshtë idenë e ngritur nga opozita se do kemi zgjedhje të parakohshme.

?Zgjedhjet në Shqipëri janë në qershor të 2021, ato të përgjithshme, zgjedhjet vendore i bie të jenë në qershor të 2023. Nuk kemi diskutuar për këtë çështje?, u shpreh numri 2 i socialistëve.

Gjithashtu Balla i bëri thirrje presidentit, Ilir Meta, të dekretojë një datë zgjedhjesh për tre bashkitë e Shkodrës, Durrësit dhe Vorës, që kanë mbetur pa kryetarë.

?Pjesë e këtij diskutim ka qenë edhe fakti që Presidenti për tre bashki, për të cilat mandati i kryebashkiakëve ka mbaruar, Shkodër, Durrës e Vorë, bazuar dhe në parashikimet e Kushtetutës, të përcaktojë brenda kohës së mundshme, sa i përket Durrësit dhe Vorës jemi në kushtet e emergjencës civile, dhe sapo emergjenca të ketë përfunduar, Presidenti të ketë dekretuar datën për zgjedhje?, theksoi ai, ndërsa përmendi Komisionin e Venecias, që pretendon se i ka cilësuar kushtetuese zgjedhjet e 30 Qershorit.

?Qytetarët e Shkodrës, Durrësit e Vorës sa më shpejt të jetë e mundur t?iu japim të drejtën që përmes votës të kenë kryebashkiakun. Kryebashkiakja e Shkodrës është përtej mandatit 4-vjeçar?, deklaroi ai më tej./ CNA.al





Lajmet e fundit nga