web counter
LEXO PA REKLAMA!

SHKARKO APP

App Store
Google Play

LSI parti parlamentare/ Mona pa mandat

4 Shkurt 2020, 12:08, Politikë CNA

Në shkurt të vitit të kaluar, pra rreth një vit më parë, kryetarja e LSI-së, Monika Kryemadhi iu bashkua vendimit të kreut të PD-së, Lulzim Basha për të djegur mandatet e deputetëve, në shenjë protestë kundër qeverisë të cilën e akuzojnë se ka ardhur në pushtet me votat e blera me paratë e krimit.

Edhe pse LSI kishte vetëm një grusht deputetësh vendosi të braktisë parlamentin.

Mirëpo në selinë e LSI-së, ka pasur mjaft përplasje, dhe në fund deputeti Lefter Koka ka vendosur që të kundërshtojë vendimin e grupit, duke mos e djegur mandatin e tij, të fituar në qytetin e Durrësit. Po ashtu një tjetër deputet që mandatin e mori me LSI, Robert Bitri nuk e ka djegur mandatin dhe për më tepër i është bashkuar PS-së.

Por, tashmë Kryemadhi ka bërë një “lëvizje të papritur”, për të rikthyer LSI-në në parlament, duke i marrë një deputet borxh Edi Ramës.

Në 24 janar 2020, në media u raportua se Gjetan Gjetani, i zgjedhur si deputet i Partisë Socialiste në Kurbin, është bashkuar me Lëvizjen Socialiste për Integrim.

Kjo lëvizje e deputetit Gjetani vjen pas përplasjeve me kryeministrin Edi Rama. Në muajin shtator të vitit 2018, kryeministri Edi Rama e përjashtoi nga grupi parlamentar i PS, deputetin Gjetan Gjetani. Shkak për këtë u bënë deklaratat e Gjetanit, i cili e konsideronte policinë e Lezhës si të paaftë.

Dhe ndërkohë në seancën e djeshme në Kuvendin e Shqipërisë, deputeti Gjetani ishte i pranishëm në sallë, si përfaqësues i LSI-së, gjë që e bën këtë forcë politike automatikisht parti parlamentare, edhe pse vetë Mona është pa mandat./ CNA.al

Deputeti ?rebel? i Ramës ikën te LSI





Lajmet e fundit nga