web counter
LEXO PA REKLAMA!

SHKARKO APP

App Store
Google Play

Paketa “Anti-KÇK”/ Reagon zyra e BE në Tiranë

2 Shkurt 2020, 09:17, Politikë CNA

Delegacioni i BE në Shqipëri, ka reaguar pas miratimit nga qeveria të paketës ?Anti-KÇK?.

Përmes një reagimi, delegacioni thekson se do të ndjekin nga afër zbatimin konkret të aktit normativ.

Mes të tjerash delegacioni i BE-së bën thirrje që masat e reja ligjore të zbatohen dhe të ndiqen nga Prokuroria e Posaçme Antikorrupsion.

?Ndiqni paratë? ka provuar të jetë një mënyrë shumë efektive për të trajtuar konkretisht organizatat kriminale. Ligji special i miratuar nga Qeveria e Shqipërisë që prezanton masa të reja parandaluese për forcimin e luftës kundër krimit të organizuar dhe terrorizmit shkon në këtë drejtim dhe tregon vullnet politik për të adresuar çështjen. Ne do të ndjekim nga afër zbatimin konkret të aktit normativ. Është me shumë rëndësi që masat e reja legjislative të zbatohen me respekt të plotë të të drejtave themelore të të pandehurve dhe në përputhje me parimet e shtetit të së drejtës. Është gjithashtu e rëndësishme që këto masa të reja të ndiqen përmes institucioneve të krijuara nga reforma në drejtësi, në veçanti SPAK.
Ne vazhdojmë të inkurajojmë qeverinë e Shqipërisë që të rrisë më tej përpjekjet e saj për zbatimin e plotë të reformës në drejtësi dhe forcimin e shtetit të së drejtës?, thuhet në reagimin e plotë./CNA.al





Lajmet e fundit nga