web counter
LEXO PA REKLAMA!

SHKARKO APP

App Store
Google Play

Marrëveshja VV-LDK/ Balla uron Kurtin e Mustafën me videon e Anton Çetës

2 Shkurt 2020, 13:06, Politikë CNA

Kreu i grupit parlamentar i PS-së Taulant Balla ka reaguar për marëveshjen e firmosur mes Lëvizjes Vetëvendosje dhe LDK-së në Kosovë.

Balla ka publikuar një video të 30 viteve më parë të profesorit Anton Çeta, i cili nis aksionin së bashkku me studentëtë për faljen e gjaqeve.

Më anë të kësaj videoje, numri 2 i PS-së uron kryetarët e dy partive fituese të zgjedhjeve të 6 tetorit dhe thotë se duhet të vijojnë rrugën për integrimin europian.

?Sot 30 vite më parë, më 2 shkurt 1990, me nismën e profesorit Anton Çeta dhe të studentëve të Universitetit të Prishtinës, nisi në Kosovë aksioni i madh i pajtimit të gjaqeve. Me në krye Anton Çetën, qindra profesorë, studentë, aktivistë, njerëz të artit e kulturës mblidhnin në fusha e sheshe të mëdha popullin në çdo cep të Kosovës për të pajtuar ata që deri dje ishin në gjak mes tyre, për tu bërë miq e vëllezër. Heronjtë e këtij aksioni kombëtar, padyshim ishin ata që falnin. Ndiqni në këtë video fjalët e mençura të Anton Çetës që 30 vite më parë fliste për integrimin e Kosovës në familjen europiane, ku mes burrave në shesh spikat heroi kombëtar Adem Jashari.
Urime udhëheqësve të VV dhe LDK që bënë të mundur që 2 Shkurti 2020 ta gjejë Kosovën me një marrëveshje kuptimplotë për Qeverinë e Re dhe vijimin e menjëhershëm të punës në rrugën e integrimeve europiane?, thekson Balla./ CNA.al





Lajmet e fundit nga