web counter
LEXO PA REKLAMA!

SHKARKO APP

App Store
Google Play

E fundit!

x

Erë e fortë me shpejtësi deri në 32 milje në orë/ Drejtoria Detare bën thirrje të merren masat

2 Shkurt 2020, 14:09, Sociale CNA

Duke nisur nga e marta, moti do të përkeqësohet duke bërë që  bregdeti do të përfshihet nga era e fortë ndërsa dallgëzimi në det do të shkojë deri në 6-7 shkalla bufort.

Sipas Drejtorisë së Përgjithshme Detare moti i keq do të jetë prezent për disa ditë dhe do të përfshijë të gjithë vijën bregdetare. Ndërkohë DPD bën thirrje për marrjen e të gjitha masave nga mjetet lundruese dhe sigurimin e tyre në port.

” Në datën 4-5-6 Shkurt 2020 moti do të përkeqësohet. Bregdeti ynë do të përfshihet nga era me drejtim veri-perëndim shpejtësi deri në 32 milje në orë dhe forca e detit do të jetë 6-7 shkalla bufort. Moti i përkeqësuar do të shtrihet në gjithë bregdetin tonë. Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port  dhe rritje e gadishmerisë së ekuipazhit në mjetet lundruese. Siguria juaj prioriteti ynë.” shkruan DPD./CNA.al





Lajmet e fundit nga