E fundit!

22:27 Ekonomi

Hyn në fuqi rregullorja e re/ Licencat e shoqërive në ndërtim do të vlejnë deri në 5 vjet

Licencat e shoqërive të ndërtimit do të kenë afat vlefshmë...

A duhet të kontrollojë Anti KÇK-ja edhe pasuritë e këngëtarëve vip?

2 Shkurt 2020, 14:43, Opinione CNA

Në foto që shoqëron këtë analizë, janë disa vlera (të frikshme) të çmimeve që u paguhen disa të ashtuquajturve këngëtare.

Ne nuk marrim përsipër të gjykojmë cilësinë e zërit, apo llojin e muzikës së zgjedhur që përbën repertorin e secilit prej tyre.

Por një analizë na duhet ta bëjmë me këtë rast.

Në foto janë veç një pjesë e vogël, e bërë publike pak kohë më parë.

Lista sigurisht nuk është vetëm kaq. Asaj pa frikë mund t?i shtohen lista të tjera kategorish të caktuara, që paguhen realisht tmerrësisht shumë dhe plotësisht apo në pjesën më të madhe në të zezë, sa kohë që tatime paguhen zero ose sa norma minimale.

Në kulmin e fushatës antiinformalitet dhe antievazion që përfshiu Greqinë, pak vite më parë pas skandalit të mungesës së kapaciteteve buxhetore për likuidimin e borxhit të jashtëm, u vunë edhe të gjithë personazhet që publikisht dihej që ishin të superpaguar.

Këngëtarë, futbollistë etj kategori të ngjashme me ta, u futeën në kontroll pasurie nga zyrat e tatim taksave.

Shifrat edhe atje ishin të tilla që nuk ua bënin fare të vështirë ekspertëve për të llogaritur taksat e paderdhura në buxhet.

E njëjta gjë duhet të bëhet edhe këtu.

Nëse ka shifra si ato të publikuara më herët, ka pasuri të lujtshme e teë paluajtshme.

Nëse ka pasuri, ka vlera. E nëse ka vlera, ka shifra të taksave që duhet të ishin paguar përpara se të ardhurat të shndërroheshin në makina superluksi, apartamente misterioze dhe arredim luksoz.

Llogaria është fare e thjeshtë dhe shifrat e taksave të (pa)paguara në vite janë të gjitha aty.

Të paktën në një pikë ne biem dakord me Kryeministrin. Marrëzisë së 18-vjeçarëve me supermakina, jahte e skafe duhet t?i vijë fundi.

Marrëzisë se 18 e 20 vjeçarëve gjasme këngëtarë, që pas blogjeve të reklamave, fshehin aktivitet seksualo- financiar duhet t?i vijë fundi.

Marrëzive si këto, duhet t’u vijë fundi. Ne kur e themi e besojmë dhe e kemi seriozisht.

Kryeministri është i ndryshëm nga ne jo veteëm peër shkak te faktit se ai ka në dorë që ta bëjë. Por sidomos për shkak të faktit se kaq sa themi ne, mund të bëhej edhe pa ligjin anti-KÇK dhe pa patur nevojë që të mbulosh me maska 30 djem.

Vetëm nëse Kryeministri beson se të kontrollosh llogari “këngëtarësh” e “këngëtaresh”, mund të hasësh në pasuri krimesh më të errëta sesa thjesht evazioni fiskal.

Atëherë mund t’ja justifikojmë që deri tani ka pritur e nuk ka përdorur tatim-taksat./ CNA.al