web counter
LEXO PA REKLAMA!

SHKARKO APP

App Store
Google Play

"Drift" nën hundën e policisë/ Kapet i "forti" në Tiranë

21 Janar 2020, 20:45, Kronika CNA

Policia e Tiranës, ka vënë në pranga të riun i cili xhiroi gomat dhe bëri manovra të rrezikshme para Komisariatit të Policisë Nr. 6 mbrëmjen e sotme duke u  larguar më pas me shpejtësi.

Pas shqyrtimit të pamjeve filmike të kamerave, uniformat blu kanë mundur të identifikojnë 29-vjeçarin nga Tirana, dhe më pas arrestuar atë.

Njoftimi i policisë

Xhiroi gomat dhe bëri manovra të rrezikshme në rrugë, para Komisariatit të Policisë Nr. 6 dhe u largua me shpejtësi, por kapet nga Policia Rrugore 29-vjeçari nga Tirana dhe shoqërohet në Komisariatin Nr. 6, për veprime të mëtejshme.

Nisur nga postimi në disa portale elektronike, ku shfaqej një automjet i markës Mercedes Benz me ngjyrë të bardhë duke bërë manovra të rrezikshme dhe xhirime gomash në rrugën ?Llazi Miho?, përpara Komisariatit të Policisë Nr. 6 Tiranë, shërbimet e Policisë, pas këqyrjes së pamjeve filmike të kamerave  përreth vendit ku drejtuesi i mjetit kishte xhiruar gomat, bënë të mundur identifikimin e automjetit.

Pas identifikimit të të dhënave të automjetit që shfaqej në videon e publikuar, rrugorët e kryeqytetit organizuan kontrolle të shtuara.

Si rezultat i kontrolleve të shtuara, në Unazën e re u bë i mundur ndalimi dhe shoqërimi i drejtuesit të automjetit në ambientet e Komisariatit të Policisë Nr. 6 Tiranë, ku po kryhen dhe verifikimet e nevojshme, me qëllim procedimin penal të personit përgjegjës për veprimet dhe sjelljet e rrezikshme në rrugë, si dhe procedimin administrativ për shkeljet e rregullave të qarkullimit rrugor të konsumuara nga drejtuesi i këtij automjeti, që kanë rrezikuar jetën e tij dhe të përdoruesve të tjerë të rrugës që gjendeshin në afërsi të vendit ku automjeti po kryente manovrat e rrezikshme./CNA.al





Lajmet e fundit nga