web counter
LEXO PA REKLAMA!

SHKARKO APP

App Store
Google Play

E fundit!

x

Mr. Bean feston sot ditëlindjen/ Sa vjeç mbushi komediani

6 Janar 2020, 16:31, Aktualitet CNA

Rowan Atkinson, njeriu që shumica prej nesh e njohim si një ndër personazhet më të dashura të zhanrit komedi me emrin Mister Bean, ka festuar sot ditëlindjen, duke mbushur plot 65 vjeç.

Aktori dhe skenaristi Rowan Sebastian Atkinson, u lind me datë 6 janar të vitit 1955, në Newcastle, Angli. Babai i tij zotëronte një fermë, ku Rowan u rrit me dy vëllezërit e tij më të rritur. Ai ndoqi Universitetin në Newcastle dhe Universitetin e Oksforditit, ku u diplomua për inxhinieri elektrike. Gjatë asaj kohe, ai u takua me skenaristin Richard Curtis, me të cilin shkroi revista komike.

Ai e filloi karrierën e tij si bashkëautor dhe u shfaq në “Not Nine O’Clock News” (1979), ku arriti një sukses të madh. Atkinson fitoi çmimin Ndërkombëtar Emmy Awards për “Programin më të mirë dhe argëtues të vitit 1980”. Ai fitoi “British Academy Award” dhe u emërua ?Personaliteti i Vitit? nga BBC për interpretimin e tij në Not Nine O’Clock News (1979). Në 1990, Atkinson luajti personazhin e famshëm ‘Mr. Bean’ në serinë televizive me të njëjtin emër. Seriali i suksesshëm komedi, u adaptua në film në vitin 1997.

Karakteri i tij nuk ishte i kufizuar te Mr. Bean, pasi Atkinson u shfaq gjithashtu në disa filma, duke përfshirë Dead on Time (1983), Pleasure at Her Majesty’s (1976), Never Say Never Again (1983), and The Tall Guy (1989), Johnny English (2003), Love Actally (2003), Keeping Mum (2005) dhe Johnny English Strikes Again (2018). Ai gjithashtu u shfaq në disa seriale të tjera si Blackadder (1982) dhe Funny Business (1992).

Mr. Bean, siç e quajmë rëndom, është padyshim një nga aktorët më të dashur që bota ka njohur. Fansat në mbarë botën i uruan ditëlindjen duke thënë se Atkinson bëri mbarë botën të buzëqeshë duke mos thënë asnjë fjalë./CNA.al





Lajmet e fundit nga