web counter
LEXO PA REKLAMA!

SHKARKO APP

App Store
Google Play

Fiskalizimi, konçesion korruptiv/ Do të mbyllë bizneset

30 Dhjetor 2019, 14:19, Politikë CNA

Ish-nënkryetarja e Komisionit të Ekonomisë, Jorida Tabaku është shprehur sot, se fiskalizimi është një koncesion korruptiv, i cili do t?i detyrojë bizneset të mbyllin qepenat.

E ftuar në A2 CNN, Tabaku theksoi se, ?Fokusi i bisedës me bizneset ka qenë, si është situata me konsumin, si i prek buxhetit familjet dhe fiskalizimi. Fiskalizimi është një ligj i ri i qeverisë. Këto ligje janë të vetmet që hynë në fuqi në 2020-n, nuk ka asnjë ndryshim tjetër fiskal nga buxheti i këtij viti.?.

Sipas ish-deputetes demokrate, kjo presupozon se do të bëhet një ndryshim i të gjithë mënyrës se si biznesi raporton, do të hiqen kasat fiskale të 2009, të cilat u vunë me shumë zhurmë dhe që sipas saj, ishte një sistem shumë i mirë.

?Ndërkohë, do të zëvendësohet me një sistem tjetër që është një koncesion që e ka marrë një kompani kroate. Të gjitha bizneset do të detyrohen të heqin të gjitha kasat fiskale dhe të vendosin një sistem të ri, i cili do të bëjë lidhjen në kohë reale të biznesin me zyrën e tatimeve. Kjo do t?i kushtojë biznesit të vogël 1200 euro në vit.

Kasa fiskale e ka kryer funksionin e saj dhe është sistemi më i mirë që përdor e gjithë Europa. Nuk ishte nevoja që bizneset të ?gjobiteshin?. Nuk ishte nevoja për të bërë një koncesion korruptiv, pasi ky i tillë është. Ky sistem do t?i gjobisë në masë bizneset dhe do t?i detyrojë të mbyllin dyert?, tha Tabaku./CNA.al





Lajmet e fundit nga