Degradimi i demokracisë është gjithnjë në rritje/ Lubonja analizon 2019, “shuplakë” politikës

30 Dhjetor 2019, 14:14, Politikë CNA

Analisti Fatos Lubonja ka bërë sot një bilanc të sektorëve socio-politikë, për vitin që po lëmë pas.

Në një lidhje të ?Skype? me rubrikën ?Opinion? në ?Neës24?, Lubonja theksoi se 2019-ta, në thelb ishte një vit i rëndë për jetën e shqiptarëve, ndërsa për këtë tezë Lubonja renditi faktorët që kanë ndikuar në përkeqësimin e situatës.

Për Fatos Lubonjën pika kulminante e 2019-s është tërmeti i 26 nëntorit, si pasojë e të cilit 51 qytetarë humbën jetën dhe qidra të tjerë mbetën pa shtëpi.

?Është një vit i rëndë. Është një vit që përtej tërmetit, por sigurisht me pikë kulminante tërmetin, flet për degradimin e qartë të një kulturë, që është instaluar në Shqipëri qysh pas rënies së komunizmit, që ka sjellë atë që unë e quaj në shkrim ?instalimin e republikës së druvarëve?. Sundimi i atyre njerëzve, që kanë vetëm një Zot që është ?Zoti para? dhe mbi të gjithë dhe sundimi i tyre. Tërmeti ishte dhe një pikë kulminate, sepse vetë dëmet e tërmetit janë rrjedhojë e kësaj kulture të vështrimit dhe e të bërit të gjërave. Kur kjo kulturë ndërton institucione shtetërore në funksion të këtyre njerëzve, atëherë arrihet në një situatë dramatike. Ne jemi rasti ekstrem, ashtu sikurse në kohën e diktaturës kur thuhej se: jemi i vetmi vend socialist në botë, por ishte e kundërta sepse ishim më keq se të tjerët.?-tha Lubonja.

Më tej, ai i dha një ?shuplakë? të fortë politikës, ndërsa theksoi se ?Degradimi i demokracisë është gjithnjë në rritje?.

Kjo sipas tij, nuk erdhi si rezultat i një njeriu të vetëm.

?Fenomenet që kanë çuar në atë situatë është se ne kemi ndërtuar atë që figurativisht e quaj ?partitë e druvarëve?. Këto druvarët përjashtuan nga pylli (Parlamenti) partinë tjetër të druvarëve. Dalja e opozitës jashtë nga parlamenti, por edhe rritja e agresivitetit të kësaj maxhorance, është një fenomen dhe shenjë e degradimit të gjërave që kemi bërë keq këto 30 vjet.?-tha Lubonja.

I pyetur nëse mund të ketë një rotacion të pushtetit, Lubonja tha se ?Unë nuk shikoj ndonjë gjë për të më bërë optimist për vitin 2020, për fat të keq. Atë që mund të shoh, është ajo që se unë shoh degradimin dhe mosbesimin e njerëzve tek institucionet. Ikja e njerëzve në një vend ku jetohet më mirë dhe më normal. Nuk shoh fije reflektimi të maxhorancës, por përkundër shoh se ka prirje për të kontrolluar më shumë, kjo është puna kryesore që bën partia në pushtet. Në këtë kontekst e shoh keq punën. Trashja e zullumit mund të krijojë situata irracionale e humbje durimi, por kjo nuk është zgjidhje, sepse mund të prodhojë situata të tjera. Opozita kërkohet që të këtë një transformim, dhe jo një opozitë që të jetë e lidhur me oligarkët, por një opozitë që t?iu rikthejë shpresën njerëzve që kanë vuajtur nga ky sistem. Nuk del dot nga ai qerthulli i oligarkisë, të cilës i ka shërbyer, që e bëjnë situatën shumë të vështirë në ndërtimin e një shpresës.?.