web counter
LEXO PA REKLAMA!

SHKARKO APP

App Store
Google Play

Përgjimet e “Zogut” për shit-blerjen e votave/ LSI: Kujt i duhet SPAK nëse i bën bisht hetimit të krimit elektoral

29 Dhjetor 2019, 16:45, Politikë CNA

Lëvizja Socialiste për Integrim  ka reaguar pas publikimit të një bisede të përgjuar mes Hermes Nikaj i njogur si ?Zogu i Tiranës? dhe moderatores Dajana Shabani, ku kjo e fundit i ofron 20 mijë lekë në këmbim të votës në zgjedhjet e 30 qershorit.

Klevi Pojana i LSI shprehet se përgjimet e Zogut të Tiranës vërtetojnë sheshit blerjen e votave për të lëgjitimuar pushtetin e kryeministrit Edi Rama.

“Përgjimet rastësore për një tjetër vepër penale, të të famshmit Zogu i Tiranes dhe Dajanës vërtetojnë sheshit blerjen e neveritshme të votës për të legjitimuar votimet moniste të Edi Ramës.”

” Nëse SPAK i bën bisht hetimit të krimit elektoral qeveritar, ashtu siç bëri prokuroria e Arta Markut, që i degdisi dosjet në Dibër, kujt i duhet më SPAK?” shprehet Pojana.

Ndër të tjera nënkryetari i LSI  deklaroi në një dalje për mediat, në përgjimet e fundit del qartë se si 30 qershori ishte një skenë kriminale ku u tentua të vritej pluralizmi dhe demokracia.

?Qytetarët shqiptarë po vëzhgojnë me zemërim shpërthyes edhe “drejtësinë e re” edhe SPAK-un se si do të veprojë ajo, dhe a do të jenë zbatues të Kushtetutës dhe ligjit apo do të jenë masha në duart e Edi Rames dhe ?Rilindjes? dhe do të zbatojnë ligjin e kusarëve.

Populli shqiptar nuk do ta lejojë më kurrë që të përsëriten ngjarje të tilla të krimit elektoral sepse janë burimi kryesor i keqqeverisjes, korrupsionit dhe varfërisë si dhe arsyeja  madhore që e mban larg Shqipërinë nga Bashkimi Europian?, u shpreh Pojana./CNA.al





Lajmet e fundit nga