web counter
LEXO PA REKLAMA!

SHKARKO APP

App Store
Google Play

Marrin fund përplasjet/ Haradinaj dhe Thaçi thyejnë akujt

25 Dhjetor 2019, 13:49, Kosova & Bota CNA

Kryeministri në ikje i Kosovës Ramush Haradinaj dhe presidenti Hashim Thaçi, duket se kanë thyer akujt dhe i kanë dhënë fund mosmarrëveshjeve.

Kreu i qeverisë dhe ai i shtetit janë shfaqur krah njëri-tjetrit pas një periudhe disa vjeçare, gjatë gjithë pritjes në Ipeshkvi që u mbajt mbrëmë.

Ndonëse Haradinaj dhe Thaçi kanë deklaruar më parë se i kanë ngrirë raportet mes tyre për përplasjet e shitjes së territorit të Kosovës, mbrëmjen e djeshme, janë parë duke biseduar së bashku.

Madje, ata dolën bashkë edhe para mediave për një prononcim dhe Thaçi i la fjalën Haradinajt për të folur i pari.

Përplasjet mes tyre kishin nisur kur presidenti parashtroi idenë e korrigjimit të kufijve, që nuk u pëlqye nga kryeministri, i cili pretendon se kjo nënkupton ndarje të Kosovës.

Naga ana tjetër Thaçi deklaroi se Kosova nuk e ka luksin t?i thotë jo Shteteve të Bashkuara të Amerikës, dhe akuzoi Haradinajn për prishje të marrëdhënieve me ndërkombëtarët.

?Ka një kohë që kemi raporte të ftohura. Nuk kemi komunikim. Është një kohë bukur e gjatë që s?na ka rënë të komunikojmë me Presidentin Thaçi, të kemi biseda e takime?, deklaroi Haradinaj disa kohë më parë, por duket se marrëdhëniet e tyre janë përmirësuar tashmë./ CNA.al





Lajmet e fundit nga