web counter
LEXO PA REKLAMA!

SHKARKO APP

App Store
Google Play

Ndërtimet pa leje shqetësim ndër vite/ Si u denoncuan prej 2002-shit banesat shumëkatëshe në bregdet

3 Dhjetor 2019, 17:40, Aktualitet CNA

Ndërtimet pa leje në zonën e plazhit të Durrësit janë denoncuar ndër vite nga qytetarët.

Në vitet 2002 dhe 2004, kur kryeministër ka qenë Fatos Nano , emisioni investigativ Fiks Fare ka denoncuar ndërtimin e një sërë banesash pa leje.

Ekspertët e inxhinierisë së asaj kohe deklaruan se në zonën bregdetare nuk duhet të ndërtoheshin banesa më shumë se katër kate, por pavarësisht kësaj shumë punonjës të administratës shkelnin ligjet dhe lejonin ndërtimin.

Madje në dhjetor të 2002-shit, kryeministri Nano i tërhoqi vërejtje autoriteteve vendore vendimmarrëse.

?Situata kur nga 3 mijë ndërtime të kryera në zonat bregdetare të Shqipërisë, 2500 janë pa leje ose ndërtime që nuk kanë respektuar rregullat e zhvillimit urban, sanksionuar në lejet e ndërtimit, nuk mund të lejohen më. Prandaj gjej me vend të tërheq vëmendjen për të gjitha autoritetet vendore vendimmarrëse, sipas ligjit të urbanistikës gjithashtu, të cilat me vendimet apo mosveprimet e tyre e kanë lejuar në mos nxitur masakrën që po bëhet sot?, deklaronte asokohe Nano, por pavarësisht kësaj banesat jashtë standarteve vijuan të ndërtoheshin.

Sot pas shumë vitesh, këto godina të ndërtuara jashtë standarteve, e që ishin paralajmëruar se ishin të kundraligjshme, morën jetën e  51 personave pas tërmetit 26 nëntorit./ CNA.al





Lajmet e fundit nga