Pronari i JOQ për procedimin penal/ S’kam frikë nga Rama

2 Dhjetor 2019, 20:05, Aktualitet CNA

Vetëm disa ditë pas procedimit penal, pronari i faqes ?JOQ Albania?, Gentian Çekeli, i kërkon kryeministrit Edi Rama të heqë dorë nga ?lufta? që ka nisur ndaj mediave online, të cilat i ka paralajmëruar se do t?i mbyllë.

Në një intervistë për reporteri.net, Çekeli tha se nuk i frikësohet askuht, por sipas tij e vret fakti që nuk mund t?i ndihmojë qytetarët në këtë situatë kaotike të krijuar nga tërmetet.

?Edi Rama duhet të ndalojë luftën ndaj lirisë së mediave, pasi është konfirmuar shumë herë se kushdo që futet në këtë betejë do ta humb, sepse frika nuk më endet asnjëherë nëpër mend. E kam ëndërruar gjithmonë të shpallesha armik i partisë, por më shpallën në momentin më të keq të mundshëm. Atëherë kur duhet të raportonim dhe ndihmonim më shumë bashkëatdhetarët?, është shprehur ai, ndërsa ngre akuzat se qeveria i është vënë kundër.

?JOQ është zë i përhershëm opozitar dhe do ta mbrojë gjithmonë interesin e shqiptarëve kudo që ndodhen, duke u bërë zëri i tyre në çdo situatë. Aparati shtetëror bashkë me mediat pranë saj, mafian, portalet, disa vipa të showbizit dhe deri tek faqet e memeve është vënë në lëvizje kundër meje dhe njerëzve që flasin të vërtetën, duhet të fokusohet në përmirësimin e gjendjes në terren, pasi ka akoma njerëz që rrezikohen nga pallatet e çara?, deklaron Çekeli.

Gjithashtu ai cilëson ?fake news? lajmin e arrestimit të tij, pasi pretendon se në momentin që ky lajm është përhapur në media, ai sihte duke darkuar me disa miq jashtë kufijve të Shqipërisë.

?Për vendndodhjen time janë në dijeni familja dhe kaq ka rëndësi. E rëndësishme është që unë jam vërdallë duke ndihmuar njerëzit në nevojë?, përfundon pronari i faqes.

Kujtojmë se dy ditë më parë stafi i faqes së ?JOQ? dha lajmin se domain i tyre ishte bllokuar duke, e etiketuar këtë sipërmarrje si një sulm politik.

Ndërkohë, më herët, Policia e Shtetit njoftoi se se nga ana e saj ishin proceduar Erland Dalliu dhe Gentian Çengelin, administratorë të faqes ?Jeta Osht Qef?, pasi kishin lejuar përhapjen e panikut, me lajme destabilizuese, pas tërmetit që goditi vendin./CNA.al