web counter
LEXO PA REKLAMA!

SHKARKO APP

App Store
Google Play

Ngjela kapet keq me Bolinon/ Mos bëj avokatin e vrasësit, mbyll gojën

2 Dhjetor 2019, 22:10, Aktualitet CNA

Avokati Spartak Ngjela dhe gazetari Carlo Bolino kanë debatuar ashpër në emisionin ?Open?, pasi Bolino krahasoi mënyrën e menaxhimit të situatës pas tërmeteve, nga qeveria shqiptare dhe ajo italiane.

Ngjela i ka kërkuar gazetarit të mos flasë me tone të ashpra, ndërsa e akuzoi si avokat të kryeministrit Edi Rama.

Bolino: Unë si gazetar kam kaluar 3 tërmete në Itali. Nuk krenohem me këtë por po sjell një krahasim. Edhe në Itali ka akoma banorë që rrinë në shtëpi provizore.

Ngjela: Shtëpi por jo çadra. Mos bëj avokatin e vrasësit. Mbylle gojën!

Bolino: Me mua mbylle gojën nuk e përdor. Nuk po bëj avokatin e askujt, bëra një krahasim.

Ngjela: Unë flas si avokat, si jurist. Se di çfarë bëni si gazetar. Prokuroria duhet të hetojë. Në qoftë se nuk janë hetuar as në Itali është shkelur ligji edhe atje.

Bolino: Po them që menaxhimin e situatës pas tërmetit e ka pasur të vështirë Italia, mos ju duket diçka e thjeshtë…

Ndërkohë debati u ndërpre nga gazetari Marin Mema, i cili e pyeti Bolinon se në çfarë viti ishin ndërtuar banesat që u shembën në Itali.

Mema: Në Itali ishin banesat 100 vjeçare. Përjashto Thuamanën, në Durrës ka banesa të dëmtuara që janë ndërtuar kohët e fundit, para 20 vitesh.

Bolino: Po unë bëra krahasim mes menaxhimit të situatës dhe jo të tërmeteve. Nuk ka tërmet të mirë dhe të keq./ CNA.al

 





Lajmet e fundit nga