Parashikimi i 'Venecias' për anëtarët e Kushtetueses/ Ish ministri i Drejtësisë risjell në kujtesë propozimet e 2016

21 Nëntor 2019, 17:10, Politikë CNA

Ish-Ministri i Drejtësisë, Eduard Halimi përmes një postimi në rrjetet sociale ka sjell në vëmendje disa propozime të bëra në vitin 2016 nga Komisioni i Venecias për mënyrën e përzgjedhjes së anëtarëve të Gjykatës Kushtetuese.

Teksa parashtron procedurën e përzgjedhjes së anëtarëve nga Komisioni i Venecias në kushte normale, me 3 persona të zgjedhur nga Parlamenti, 3 nga Gjykata e Lartë dhe 3 të tjerë nga Presidenti, Halimi nënkupton se e njëjta procedurë duhet ndjekur edhe në kushte jo normale në të cilat ndodhemi sot.

Postimi i Halimit:

Ja cfare thoshte Komisioni i Venezias ne lidhje me zgjedhjen e antareve te GJK ne kushte normale ….ne kushte jo normale, deduksioni behet i qarte…

#nocoment

Strasburg, 14 Mars 2016

Opinion Nr. 824 / 2015

CDL(2016)009* Or. Shqip

KOMISIONI EVROPIAN PËR DEMOKRACI PËRMES LIGJIT (KOMISIONI I VENECIAS)

PROJEKT OPINIONI PËRFUNDIMTAR

PËR PROJEKT NDRYSHIMET E RISHIKUARA KUSHTETUESE PËR GJYQËSORIN

(TË 15 JANARIT 2016) TË SHQIPËRISË

Miratuar nga Komisioni i Venecias në Mbledhjen Plenare të 106-të

(Venecia 11 -12 Mars 2016)

në bazë të komenteve nga

Znj. Hanna SUCHOCKA (Anëtare Poloni)

Thënë kjo, zgjedhja e tre gjyqtarëve kushtetues nga Parlamenti me shumicë të zakonshme (krahasoni Nenin 125 me Nenin 78 p.1 të Kushtetutës) meriton vëmendje. Në përvojën Kushtetuese Evropiane, zgjedhja nga parlamenti e gjyqtarëve kushtetues shpesh mbështetet nga kërkesa për shumicë të cilësuar me qëllim që të sigurohet një zgjedhje e përbashkët me mbështetjen pluraliste të partive politike dhe jo vetëm nga shumica. Kjo është veçanërisht e rëndësishme kur Presidenti dhe Parlamenti janë të një bindjeje politike dhe mund të emërojnë 2/3-tat e gjyqtarëve në të njëjtën kohë. Në rrethana të zakonshme, ky risk nuk është shumë i lartë, nisur nga dispozitat tranzitore për zëvendësimin gradual të gjyqtarëve të GJK në detyrë (shihni Nenin 179 p.1). Megjithatë, duke pasur parasysh faktin që në GJK mund të hapen vende të tjera vakante, Komisioni i Venecias rekomandon prezantimin e një rregulli që kërkon shumicë të cilësuar për tre anëtarët e Gjykatës Kushtetuese që zgjidhen nga Parlamenti./CNA.al