web counter
LEXO PA REKLAMA!

SHKARKO APP

App Store
Google Play

E fundit!

x

Grabitja e 300 mijë eurove/ E moshuara tregon minutat e tmerrit: Njëri e hoqi maskën

20 Nëntor 2019, 10:35, Kronika CNA

Detaje të reja kanë dalë lidhur me grabitjen e djeshme në Fushë Milot ku tre persona janë future në një banesë e dyshohet se kanë vjedhur 300 mijë euro.

Zonja e shtëpisë Hume Shabani ka denoncuar rastin në polici dhe është shprehur se shuma që i vodhën është mbi 300 mijë euro duke sqaruar se janë kursime të djemve në Itali prej 30 vitesh dhe vajzës që ndodhet në Tiranë.

E moshuara shprehet se autorët kanë qenë tre, pa armë, por me maskë ndërsa janë prezantuar si efektivë policie që ishin në kërkim të djalit të saj Xhevahir Shabani që ndodhet në burg në Itali, por sipas tyre ishte arratisur dhe po e kërkonin në Shqipëri.

Hume Shabani thotë se autorët i kërkonin që të tregonte se ku e kishte djalin dhe ku i kishte fshehur armët. Me këtë pretekst ata kanë kthyer shtëpinë përmbys duke kontrolluar gjithçka deri sa kanë gjetur kasafortën dhe kanë marrë lekët që ndodheshin brenda.

Zonja e shtëpisë shprehet se nuk arriti që ti njihte autorët pasi ka probleme me shikimin.

“Hapën derën dhe thanë ku e ke djalin, më thanë ku e ke futur se ka braktisur burgun? Unë thashë, jo nuk kam djalë këtu. Kontrolluan dhomat ku i ka armët djali dhe ku e ka dhomën. Njëra nga dhomat ishte mbyllur dhe tjera çelur. E hapën derën duke e thyer me shkelm dhe morën cfarë gjetën letrat e shtëpisë dhe gjithcka. Nuk e di sa lekë kanë qenë. Lekët e kalamajve që kanë punuar 30 vite në Itali dhe vajzës në Tiranë. U thashë si e gjetët shtëpinë time pa një operativ që erdhën nga Tirana. Unë nuk shoh mirë, por njëri e hoqi maskën dhe e vendosi prapë. Kasafortën e prenë me gurë fresibel, u thashë cfarë jeni diversantë apo? Ishte rreth orës 05:00 pasdite kur ndodhi” tha e moshuara, Hume Shabani.





Lajmet e fundit nga