web counter
LEXO PA REKLAMA!

SHKARKO APP

App Store
Google Play

Riaktivizohet hetimi për rrëzimin e avionit/ Klodiana Lala zbardh detajet e dosjes me emrat e “të fortëve”  

9 Nëntor 2019, 12:06, Kronika CNA

Gazetarja Klodiana Lala ka deklaruar sot se janë riaktivizuar hetimet lidhur me rrëzimin e avionit të drogës në Ishëm të Durrësit, në vitin 2016, i cili pilotohej nga italiani Guido Guidi.

Në një raportim live për News 24, Lala tha se italiani Guido Guidi ishte liruar me garanci pasuror prej 10 mijë eurosh, por Prokuroria shqiptare kishte dërguar letërporosi në Itali lidhur me ngjarjen dhe ka marrë përgjigje nga autoritetet fqinje një muaj e gjysmë më parë.

Sipas gazetares Lala, në dosjen e mbërritur tashmë në drejtësinë shqiptare janë emrat dhe provat, që faktojnë trafikun e drogës. Bëhet fjalë për një grup të strukturuar kriminal, që ka organizuar trafikun e drogës Shqipëri-Itali.

Një pjesë e këtyre personave, emrat e të cilëve janë tashmë në duart e prokurorëve shqiptarë, rezultojnë të jenë nga Fushë Kruja dhe të arrestuar më parë në vendin fqinj për trafik droge.

Po ashtu Lala tha se nga burimet ka mësuar se kanë ardhur emra konkretë të këtyre personave, që janë kryesisht nga Fushë Kruja, dhe që organizonin trafikun, dhe ishin të skeduar më herët nga drejtësia.

Nga ana tjetër, pas letërporosisë, prokuroria shqiptare pritet të thërrasë në ditët në vijim edhe italianin Giudo Giudi, për ta marrë në pyetje lidhur me rrëzimin e avionit në Ishëm.





Lajmet e fundit nga