web counter
LEXO PA REKLAMA!

SHKARKO APP

App Store
Google Play

E fundit!

x

Rama-Basha, akuza dhe pazare/ Rilindja si shpëtim për Lulin

9 Nëntor 2019, 11:33, Politikë CNA

Dje Prokuroria e Tiranës njoftoi publikisht se pas shumë hetimesh kishte kapur Lulin si falsifikator me firmën dhe vulën e tij si kryetar i partisë dhe nuk kishte bërë asnjë hetim në lidhje me 675 mijë dollarë lobim në SHBA, të cilave nuk iu dihet burimi. Por, mediat amerikane na thanë se fillesat i kishin tek kompani off shore ruse. Të deklaruara këto nga kompania e lobistit Nick Muzin.

Nga dje u konfirmua edhe një herë se Rilindja është shpëtimi për krimet e Lulzim Bashës. Janë jo të pakta rastet kur Rama dhe Basha kanë pasur një gjyhë spektakolare me njëri-tjetrin. Filluar kjo që në vitin 2005, kur Basha u bë ministër i Transporteve. Të gjitha betejat dhe problematikat që kishte Luli si ministër, Edi Rama akuzonte thjeshtë dhe vetëm Sali Berishën.

Kështu ndodhi me Rrugën e Kombit dhe nga frika apo dhe nga pazari i vitit 2007, Basha nuk rivalizoi me Edi Ramën.

Më pas kështu ndodhi edhe kur ishte ministër i Brendshëm. Me 21 janar, të katër viktimat e Bulevardit iu faturuan Berishës. Ndërkohë që ministër i Brendshëm ishte Lulzim Basha, i cili minimalisht duhet të kishte dhënë dorëheqjen.

Kështu ndodhi dhe me firmosjen e marrëveshjes për ujërat me Greqinë, kur ishte ministër i Jashtëm. Edhe në këtë rast, Basha minimalisht duhej të jepte dorëheqjen, por sërish faturën e mori Sali Berisha.

Marrëveshja me Edi Ramën bëri që gjatë pushtetit të PD-së, bëri që Luli të përfitonte shumë benefite dhe në një mënyrë paqësore, kreu i Rilindjes dhe despotiku Edi Rama t?i dorëzonte pushtetin me qetësi Lulzim Bashës në Bashkinë e Tiranës, me garancinë se pas dy vitesh Luli do të ishte një nga veglat e tij për të sabotuar dhe shkatërruar fushatën e demokratëve në Tiranë, për t?ju dhënë mundësinë socialistëve të vinin në pushtet.

Dhe kështu ndodhi realisht. Më pas familjarët e Lulzim Bashës kapen në një ndërtim me letra të kopsitura, por të futur në det me çdo shkelje ligjore, i cili hidhet në erë. Dhe pasi ky objekt hidhet në erë, ka një marrëveshje të radhës të Edi Ramës me Bashën.

Ky i fundit, me një proçedurë të shpejtë fiton 16 milion euro për familjarët e tij. Ka akuza të shumta, dosje në prokurori. Por, asgjë nuk ndodh me Lulin. Edhe pse ka qënë gjashtë vite ministër dhe katër vite kryetar Bashkie, Rilindja ia mbylli shpejt e shpejt, duke e lënë të qetë kryetarin e Republikës së re të vazhdonte shërbimet ndaj kryeministrit Rama.

E kështu ndodhi së fundi, pas skandalit të publikuar nga media amerikane në lidhje me disa qindra mijë dollarë pagesa lobimesh, burimi i të cilave nuk dihet. Dje Prokuroria e Tiranës njoftoi se kishte pushuar atë çështje dhe se Luli do të akuzohej vetëm për falsifikim vulash. Pra, do t?i thuhej vetëm se ti ke falsifikuar firmën tënde dhe ke përdorur vulën tënde, të cilën ke çdo të drejtë ligjore.

Një vendim qesharak, për ta çuar Bashën drejt pafajësisë. E nuk mund të ndodhte ndryshe. Rilindja ka treguar sistematikisht që është shpëtimi i Lulzim Bashës. Ai i duhet Edi Ramës në krye të PD-së, për ta transformuar atë në Republikë të re dhe për t?i zgjatur sa më shumë jetën në pushtet kryeministrit Rama./ CNA.al

Basha braktisi protestat/ Rama e shpërblen me mbylljen e hetimeve për dosjen e pastrimit të parave

Loja me hetimet ndaj Bashës/ A do ta nxjerrin prokurorët Lulin të pafajshëm?

MEGA-SKANDALI dhe dokumenti/ Lulzim Basha pagoi 950 mijë usd nga kompania Ruse offshore, prokuroria uli shifrën





Lajmet e fundit nga